LUKA 6:45 - Cho Bible Common Language 2016

⁴⁵ Am lung ngaih nik cicu akni ah ng’thu ng’htau ci, am lung ngaih shek cicu akshe ah ng’thu ng’htau ci. A i ah kyasei ci ung, chang naw am lung ung om ci vah, a shai awn pyein ci.

LUKA 6:45 Referans Kwoze

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

JOHAN 7:38

Cacim ung om ciah mäih ah, kei na yum ciah chang ah m’lung kyong ung ghin nak tui cu, tui-ci lawng ah mäih ah khawng ne long khai nei” cine m’lau ne pyein ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

SAM 59:12

Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

HEBRU 8:10

Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

EPHESIAN 5:19

Tumat la tumat nami thu ng’htau nak ung hlim ciah ng’äi gui, m’hlüngtai nak ng’äi gui, theingcim ciah ng’äi gui awn nami thu ng’htau vai nei: nami m’lung kyong ah Bawipa cu m’hlüngtai ne, hlim ciah ng’äi gui la m’hlüngtai nak ng’äi gui cu nami m’cu vai nei.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

SAM 140:5

Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.

SAM 59:7

Ami ni ng’hawh shak shai la cu ngai tu vä. Ami m’gawng m’lei cu chim ghaat ah mäih ah kyak ci, cun ung phi ami ng’htau a u naw kä ng’yak ciah ngai ci gui.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

JUDE 1:15

chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,