LUKA 6:41 - Cho Bible Common Language 2016

⁴¹ Na mät ah mik ek kä hmuh ah na paw ah mik mu ung ng’väi hta cu kä na teng peit vai.

LUKA 6:41 Referans Kwoze

JOHAN 8:7

Ngami naw cun ah leng ba ba ne ng’shi laih u khäh tah, Bawipa Jesuh naw, “Nangmi ungka ah ma katnak kä om ciah chang naw, ani cu lung awn vawi law ma sä” cine pyen na gui ci.

JAMES 1:24

Hman a teng yah ung amüi kyom ciah ngai ci, cun ung phi, a hei ah a hteh ba kawn ah amüi cu kä shüm ba ci.

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

EZEKIEL 18:28

Ani naw a i abi ngai neta katnak cu nawng ci, cun ah kyasei ani cu ak cang ah kä sik khai, ghing lä khai.

SAM 36:2

Amät naw amät m’hlüngtai ne, yei nah ne, Khanpughi naw a katnak cu kä hmuh pe ne, kä m’kyuk khai ah ngai ne yei ci.

1 SHONTÄP NAK 21:6

Joab naw ghangpughang ah thukbäi cu kä yum neta Levi la Benjamin pakhui gui cu kä khei tu gui ci.

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

MATTHE 7:1

‘Pawchang kä nami m’khoi m’chaa vai, cun ung Khanpughi naw kä ning m’khoi m’chaa gui khai.

LUKA 6:40

Ng’thei tuk cicu m’thei tuk ciah kä ng’vai pi ci, Cun ung phi ang thei tu yawp kawn ah a saya cu k’phaa hning ci.

LUKA 6:42

Na mät ah mik ek kä ghu ah a i cha ah na paw-am na mik ek ning ghu pe vang cine, na pyein thei khai yaw? Limmaa ciah chang gui ngai vä, na mät ah mik ek na ghu kawn ah vah na paw ah mik ek hmu ne a ghu vai ah nam thein thei khai ah kyak ci.

MAKUH 8:7

Ngami ung nga phi api om ci. Bawipa Jesuh naw Khanpughi m’hlüngtai netah, ngacun phi chang gui-am ami tei gui vai ah ang düihpüi gui cu täk gui ci.