LUKA 6:38 - Cho Bible Common Language 2016

³⁸ Chang-am nami peit vai, cun ung Khanpughi naw ning pe ba gui khai. Det ne, khuk ne, m’htung chah ne nami peit ung, acun ah nami gah ba khai. Nän ne chang-am nami peit nak ung, Khanpughi naw nän ne ning pe ba gui khai” cine m’cäi gui ci.

LUKA 6:38 Referans Kwoze

THULÄÄN NAK 15:10

Pängye ne mät ah phäh bäng kä ngai ne chang am na pek vai. Bawipa naw na bi nak päng ung hriham ning pek khai.

MAKUH 4:24

Cun kawn ah bawipa Jesuh naw, “Nami ng’yak cu ng’htei khai ah ngai vä! Nangmi naw chang-am nän ne nami peit nak ung, Khanpughi naw nangmi-am nän ne ning pe ba gui khai; Cun ah däm pi khai ah phi nän ne ning k’bäi pe gui khai.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

LUKA 6:30

Nang ah ng’yoi lawk ci phung-am na peit vai, na khawhchaam ning lak pek ciah kä na shan-en ba vai.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

JOB 42:11

Joba ah phäinau gui avan la ayan ateihpüi gui cu ani ah law ne om law tu u ne, ani ah im ah ei awk ci gui. Ani ah khan ah Bawipa naw alaw püi ah khuikha nak gui avan phäh ah ami m’geinsei nak la ami m’lung üp sak nak cu m’dang ci gui. A chang sing naw ngui la ghui kutcüp cu pe tuk ci gui.

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

JEREMIAH 32:18

Nang naw ng’täi ciah na m’hni nak cu chang phia khak am na m’dang ci, cun ung phi chang gui ami nupa ah katnak ah phäh ah nang naw na m’kyuk gui ci. Nang cu dämduh ne huham ah ciah khanpughi ah na kyak ci, nang cu m’gäi ciah Bawipa ah na kyak ci.

PHYAWN NAK 21:24

mik ah phäh ah mik, ha ah phäh ah ha, kut ah phäh ah kut, khaw ah phäh ah khaw,

2 SAMUEL 19:36

Shin ah küikyang ciah m’cümhnah nak awn kei kä ka khin kha ci nei. Cun ah kyasei Jordan tui hei ga ah aläk hta bäng nang awn a täng ah ka va hteit tuk khai nei.