LUKA 6:37 - Cho Bible Common Language 2016

³⁷ Chang ah katnak kä na pyein peit vai, cun ung Khanpughi naw na katnak kä ning pyein Pek khai. Chang kä nami m’shukchaak vai, cun ung Khanpughi naw kä ning m’shukcha gui khai. Chang ah katnak nami m’gein vai, cun ung Khanpughi naw nami katnak ning m’gein gui khai.

LUKA 6:37 Referans Kwoze

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

KOLOSE 3:13

Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

MATTHE 5:7

“M’geinsei nak om ciah chang gui yeikyai vä; Nangmi cu Khanpughi naw ning m’geinsei gui khai

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

MATTHE 18:30

Cun ung phi ani naw kä ngaih pe ne, a pu avan kä a thung pha ah chuih a kium vai ah thawng ung chum ci.

LUKA 6:36

Nami Pa Khanpughi naw a ning m’gein gui ah mäih ah nami ng’gein tu vai.

LUKA 23:16

Cun ah kyasei ani cu, htung awn that netah, ka tüi ba khai nei” cik ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.