LUKA 6:30 - Cho Bible Common Language 2016

³⁰ Nang ah ng’yoi lawk ci phung-am na peit vai, na khawhchaam ning lak pek ciah kä na shan-en ba vai.

LUKA 6:30 Referans Kwoze

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

NG'THU K'THUUK~ 21:26

Ami bi gui avan cu ami mät ah bi hlü ah ami bi ah kyak ci. Düng ciah chang naw ai ah a kyak ung phi pe hning ci, kä ng’vang ne pek ci.

SAM 41:1

Dukhaih ciah chang tengkhen ci gui cu yeikyai nak om ci. Geinvai nak a gawk law ung ngami cu Bawipa naw m’htei gui khai.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

LUKA 11:41

Cun ah nami bi ung nangmi ah hmawk ah avan theingthap khai nei.

LUKA 6:38

Chang-am nami peit vai, cun ung Khanpughi naw ning pe ba gui khai. Det ne, khuk ne, m’htung chah ne nami peit ung, acun ah nami gah ba khai. Nän ne chang-am nami peit nak ung, Khanpughi naw nän ne ning pe ba gui khai” cine m’cäi gui ci.

MATTHE 18:35

Cun ah kyasei nangmi cu phäi nau gui nami mät, tumat ah kat nak cu tumat naw, akcang ah kä nam m’gein tu ah a kyak ung, khankho ah kapa naw nami katnak cu kä ning m’gein gui khai nei,” cine m’cäi gui ci.

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

MATTHE 5:39

Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

LUKA 6:29

Nang being vangtäng ami ning k’beeih ung, vangtäng phi na cuun ba vai, na suinu ami ning guh peit ung, na sui hta phi na peit gui vai.

LUKA 6:31

Chang naw na khan ah abi vai na ng’yak hlü ah mäih ah, chang ah khan ah na bi vai.