LUKA 6:29 - Cho Bible Common Language 2016

²⁹ Nang being vangtäng ami ning k’beeih ung, vangtäng phi na cuun ba vai, na suinu ami ning guh peit ung, na sui hta phi na peit gui vai.

LUKA 6:29 Referans Kwoze

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.

1 KORIN 6:7

Nami mät gui nami ng’shawkchak tu nak naw khritha ah kyak nak ah mingthang cu shet sak leng leng ci nei. Cun ah k’dam cheishoh nak nami awt ung kä bä tu ba khai ang! M’gukplet nak nami bui ung kä ni tu ba khai ang!

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

MATTHE 26:67

Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

NG’ÄI KYAH 3:30

Cun ung phi tukthah nak la shedam nak cu mikmi naw avan mi dou vai ah kyak ci nei.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

1 KORIN 4:11

Tuhbäichü akhin ung keimi cu kami cawigha ci, kami pükheei ci; Tukthah nak kami gah ci; im lo k’kaa ah om ne kami ng’plon shüi shüi ci:

LUKA 22:64

A hmai shung u netah, nang a u naw ang a ning tukthah, na pyein vai nei” cine kyak nak ci gui

LAMKTU 23:2

Taigü tung Ananias naw a pei ah ng’düi ciah chang gui am, Paul cu am gawng ung k’beeih sak gui ci.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

2 SHONTÄP NAK 18:23

Prophet Zedekiah naw Mikaiah ah law ne a hmai beeih neta a pyen cu, “A i ah ung ang Bawipa ah Mümcha naw kei na hteh ta ne, nang a ning thu püi?”

2 SAMUEL 19:30

Mephibosheth naw, “Ziba naw avan la sä, nang bawi mang phyawng ne im ah na gawk law ba cu kei ah phäh ah bä ci nei” cik ci.

LUKA 6:30

Nang ah ng’yoi lawk ci phung-am na peit vai, na khawhchaam ning lak pek ciah kä na shan-en ba vai.