LUKA 6:23 - Cho Bible Common Language 2016

²³ Cun ah mäih nami bui awt law ung nami yeikyai vai, yeikyai ne nami ng’lam vai; khankho ah nangmi ah gah vai cu däm aih ci. Ngami ah pughi gui naw profet gui ah khan ah phi acun ah bi man ci gui.

LUKA 6:23 Referans Kwoze

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

THU PHLAAN 2:26

Näng nak gah ne, kei ah ka ng’yak hlü ah khaw khüt sei om ciah chang-am Kapa ung ka gah ah huham cu ka pek khai. Cun ah huham cu, changpakhui avan m’si k’hteipawng awn uk gui ne, m’sitawn awn m’dek k’am thah gep ah mäih ah dep nak ah kyak ci. Kei naw ngami-am thaihke aisi phi ka pe gui khai nei.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

LAMKTU 3:8

Cun kawn ah yeikyai neh Khanpughi m’hlüng m’tai ne, yawng ne kiah ne dawng ne, ami hnu ah hteit tu neh Pum im kiawng ah lut tuk ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

2 KORIN 12:10

Kei cu Bawi Khrit ah hmawk ah tha ken nak, ghingshe nak, geinvai nak, k’dudei nek, la tüihtok nak gui ka aut ung phi, kei cu kak tha a ken yah ung kak thamah ba pi ci nei.

ROMAN 5:3

Mikmi cu yaica yah ung phi mi yeikyai ci, a i ah kya sei ci ung yaica nak naw hnimgei nak;

LAMKTU 14:10

“Tho ne ng’düi ä” cine a k’aw m’can ne pyein ci. Acun vai am cun ah chang cu tho ne ng’düi ne m’khan ne hteit ci.

LUKA 6:35

Nangmi cu nami gaa nami m’hni vai, chang ah khan ah akni nami bi vai. Gah ba vai ciah kä ngaih u en ah nami ng’pu tu vai. Cun ah nami bi ung nangmi cu hlüngtai ciah m’tamkhah nak gah ne, hlüng pik’bäih ciah Khanpughi ah hta ah nami kyak khai. Cun ah Khanpughi cu m’gein nak kä hmat ci gui la changshe gui ah khan ah akni bik ci.

LUKA 1:44

Ka Bawipa ah anu cu kei ah gawk lawk ci nei. Nang ah yavaih nak kang yak vai-am kei ah puk kyong ah ak hmaw cu yeikyai ne hnün ci nei.

LUKA 1:41

Eliyabeth naw Mari ah yavaih nak ang yak sang ung a puk kyong ah ak hmawhta cu hnün ci. Eliyabeth cu Mumcha Theing awn be netah,

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

ISAIAH 35:6

Ak shum khem gui ng’phäi ne ng’lam khai gui, kä ng’thu thei ci gui yei ne m’lau khai gui. Tuihta lawng gui naw khaw kiang khaw kan ne long khai gui;

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.

1 GHANGPUGHANG GUI 22:27

Ani cu pang ne chum ne, kei phyawng gai ne ka gawk law ba güt ung m’htut m’bei ne tui nami tu vai nei” cik ci.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.