Biblia Todo Logo
Bib sou entènèt

- Piblisite -




LUKA 6:20 - Cho Bible Common Language 2016

20 Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

Gade chapit la Kopi




LUKA 6:20
35 Referans Kwoze  

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.


Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.


“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.


Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.


Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.


Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.


A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.


Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.


Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.


Shin ah abi nak gui ung Khanpughi ah m’khoichaa nak gui cu düng sei, nangmi cu Khanpughi ah kho awn khinkha ciah nami kya lawk khai, acun ah kho ah hmawk ah nangmi cu nami yaica ci.


Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.


Ngahmi cu yaica nak ak nui ah aut ci gui. Cun ung phi ang htei ah yeikyai u ne, ang htei ah ami pyamthaam pang ung phi, peit taak nak ung, ng’khailang aih ci gui.


Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.


Bawipa Jesuh awn a täng ah pawi ung om tuk ciah chang tumat naw, cun ah ng’thu cu ng’ya netah, “Khanpughi ah uknak kho ah khin ei vai tuk ciah chang cu, yeikyai nak om ci” ci khätah;


Nangmi naw Khanpughi ah uknak kho ah Abraham, Isaak la Jakob ni, profet ni gui cu, hmu tu lang u ci sei, akpung ah ami ning k’täm gui ung nami haa kyeet ne, kyap ne m’lau ne nami kyak khai nei.


“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci


Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.


Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.


kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.


Dukhaih pang ne phi dung ciah chang cu, hleehlak omshe ciah ta ba pi ci.


M’lung neim nak awn om ne dukhaih nak cu, chang yoshe nak ciah kya ne, chang ah khawh ami guh ng’pai tu ah ta ba pi ci.


Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.


Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.


Changni tumat ah khawh api cu, changshe avan ah khawh ah ta bä pi ci.


Bawipa Jesuh cu chang gui akda hmu gui netah, m’htung khan ah hang kai ci.


Swiv nou:

Piblisite


Piblisite