LUKA 6:2 - Cho Bible Common Language 2016

² Cun cu pharisee gui naw hmu u netah, “Thukhän ung kyin hnüüp ung a i kä bi vai om ci maw, a i ah kyasei bi nami bi ang?” cine ng’shi gui ci gui.

LUKA 6:2 Referans Kwoze

MATTHE 12:2

Cun cu pharisee gui naw hmu u netah, “Teng shüm ä, na düihpüi gui naw kyin hnüüp ung ami bilawh cu ng’thukhän awn hnu ng’tuk ci nei,” cik ci gui.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

MAKUH 2:24

Cun hmuk ci gui ah pharisee gui naw, “Teng ä, nang düihpüi gui naw thukhän awn hnungtuk khai ah kyin hnüüp ung bi bik ci gui nei” cine Bawipa Jesuh cu kyak nak ci gui.

LUKA 5:33

Chang amshah gui naw, Bawipa Jesuh-am, “Johan ah ng’khah püi gui la pharisee gui ah ng’khah püi gui cu, ashäng shäng ei hlawi ne taigü ci gui, cun ung phi nang ah ng’düihpüi gui läi ei aw ne om ci gui nei” cik ci gui.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

PHYAWN NAK 35:2

Nangmi ung nami bii nami bi nak vai ah khaw hnüüp chuk om ci, cun ung phi a hnüüp chih hnüp cu nami theing sak vai. Ding gei ciah ng’düm nak hnüüp cu kei, Bawipa ung nami ng’apnak hnüüp ah kyak ci. Cun ah hnüp ung bii bik ciah chang phung cu ngawn vai.

PHYAWN NAK 31:15

Nangmi ung nami bii nami bi nak vai hnüüp chuk om ci, a hnüüp chih nak cu dimdeeih ciah düm nak hnüüp, kei ung ng’apnak ah kyak ci. Cun ah hnüüp ung bii bik ciah chang cu ngawn vai.

PHYAWN NAK 22:10

“Chang tumat naw chang tumat mat ah sei, me, ng’se cu yum ne a shäm tu te, si ne baw, shum ne baw, chang naw m’gu ne baw kyasei, hmuk ci kä a om ah a kyak ung,

MATTHE 15:2

“A i ah kyasei nang düihpüi gui naw pupa gui ah thungyo man cu kä ami läk ang? ngami cu thungyo man ah kut käm si ah ei ei ci gui nei,” cine pyein ci gui.