LUKA 6:19 - Cho Bible Common Language 2016

¹⁹ Bawipa Jesuh ungka hlüngtai nak naw chang khli gai sak khätah, chang gui naw Bawipa Jesuh ami tawn tu hning vai ah k’tha nak ci gui.

LUKA 6:19 Referans Kwoze

MATTHE 14:36

Cun kawn ah gawpai ci gui naw Bawipa asui pyai hta bawtah ami tawn tu vai ah ng’yoi lawk ci gui. Cun ah tawh tuk ciah chang gui phung cun phi, gai ba ci gui.

MAKUH 3:10

Bawipa Jesuh naw gawipai ciah chang akda gai ba sak ci kya sei, gawpai ciah chang gui cu Bawipa Jesuh va tawn khai gui ah vang tawn vük ci gui.

MAKUH 6:56

Bawipa Jesuh a hteh nak vai ah gawnu gui, lo gui la lam gui nüng ung ak gaw gui cu m’shän gui ci gui. A suinu ah pyai mawng hta pang ami tawn tu hlawt vai ah ng’coipa ne ng’yoi ci gui. Va tawn tu hta hlawt ciah chang phung cu ang ghit ah gai ci gui.

MAKUH 5:30

Acun vai-am Bawipa Jesuh naw amät ung a huham lut lawk ciah hmat netah, chang gui lam ah ng’hlat ne, “Kei ah ka suinu a u naw ang a tawn” cine ng’shi gui ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

MAKUH 8:22

Bawipa Jesuh la ang düihpüi gui cu Bethsaida pigaw ah gawk lawk ci gui. Cun yah ung chang gui naw a mik m’dauh tumat cu law püi u netah, ani cu a kut awn tawk ne a gai sak vai ah ng’yoi ci gui.

LAMKTU 19:12

Chang gui naw Paul ah bi ah yih la Tampu gui pang cu ak gaw gui la khoshe ah kai gui ah om nak ah, ami hteh püi ah a kyak ung, nat nak gui cu maih ne, chang kai ciah khoshe gui cu dawng ci gui.

LUKA 5:17

Kho hnüüp ät ung Bawipa Jesuh naw am theithang gui yah ung, Kalile, Judah la Jerusalem khaw, pigaw päng ungka lawk ciah Pharisee gui la tuhkhän saya gui cu ngo tuk ci gui. Ak gaw a gai sak nak ah Khanpughi ah huham cu Bawipa Jesuh ung om ci.

2 GHANGPUGHANG GUI 13:21

Hnü ät ung gook ami htüm phuh yah ung chang gui naw Moabit gakap bum ät cu hmu u neta, gook cu Elisha ah phuh hmun kyong ah yuk ghawt neta dawng ci gui. Gook cu Elisha ah guh awn ani hli vai am, cun ah chang cu ghing law ba ne, tho ne ng’düi ci.

LUKA 6:18

Ngami cu Bawipa Jesuh ah ng’thu ngaih tu vai la gai nak gah tu vai ah lawk ci gui ah kyak ci. Khawshe ah kai gui phi law u ne, gai ne hteit ba ci gui.