LUKA 6:17 - Cho Bible Common Language 2016

¹⁷ Bawipa cu ang düihpüi gui awn khomhtung ah kaa kyum law ba u ne ak chang khli gui awn ng’düi gi cui. Cun kawn ah Judea khaw ah kaa, Jerusalem ah kaa, la Tire la Sidon pigaw gui ungka chang akchün om ci gui.

LUKA 6:17 Referans Kwoze

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

LUKA 5:15

Cun ung phi Bawipa Jesuh ah mawng cu thang law pi k’täi khätah, ang thu ngai hlük ci gui la gai nak gah hlük ci gui cu da law pi k’täi ne gawk lawk ci gui.

MATTHE 15:21

Bawipa Jesuh cu cun ungka hteit ba ne Tire la Sidon kho ah gawk ci.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.

MATTHE 5:1

Bawipa Jesuh cu chang gui akda hmu gui netah, m’htung khan ah hang kai ci.

LUKA 6:16

James ah hta Judas la a ngawi ah Bawipa ga-am ap khai ah Judas Iskariot gui ah kya ci.

LUKA 6:18

Ngami cu Bawipa Jesuh ah ng’thu ngaih tu vai la gai nak gah tu vai ah lawk ci gui ah kyak ci. Khawshe ah kai gui phi law u ne, gai ne hteit ba ci gui.