LUKA 5:8 - Cho Bible Common Language 2016

⁸ Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

LUKA 5:8 Referans Kwoze

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

SUKI GUI 13:22

Moanoah naw akchu am, “Mikmi cu akcang ah mi sik khai nei, a i ah kyasei ci ung mikmi naw Khanpughi mi hmuk ci” cik ci.

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

1 SAMUEL 6:20

Beth Shemesh ah chang gui naw, “Theing cim ciah Khanpughi, Bawipa ah ma ah a u ng’düi hning khai ang? Mikmi ungka naw ani a hei ah hteit khai ah a hawi mi tüi khai ang?” cik ci.

MATTHE 17:6

Cun ah k’aw cu ang düihpüi gui naw ng’ya u netah ang htei ah kyi kyawk u ne, m’dek ung kaup yawp ci gui.

JOHAN 11:32

Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.

MATTHE 8:8

Gabawi naw, “Nang cu kei awn kä ni khin ciah kyak sei, ka im kyong ah na law vai ah kä khin pang ci nei, m’khüt näng nak thu bäng na pyein ung ka chang cu gai ba khai nei.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

2 SAMUEL 6:9

Cun kawn ah David naw Bawipa cu kyih neta, “A i hawkcha ah Thukhän M’küm cu tuhbäi ka hteh püi khai ang?” cik ci.

1 KORIN 13:12

Tuhbäi mikmi ah hmuh nak cu müi m’dang ci ung müi teng ah mäih ah kyak ci; cun kawn ah mik hmai ng’chum sei mi ng’hmu lawk khai. Tuhbäi kei ah hmuhmat nak cu kä kümbe ci, cun kawn ah, Khanpughi naw kei cu kümbe sei a na hmuhmat ah mäih ah, kei naw kümbe sei ka hmuhhmat lawk khai.

LUKA 5:7

Cun ah kyasei a hei hleiko ungka ami paw gui väk ne khü gui u ne, ami van ah hleiko ung be ne hnim ghep ghep khai ah nga phak ci gui.

LUKA 5:9

Ani la apaw gui cu nga akda aih pha u netah cäcat ci gui.