LUKA 5:32 - Cho Bible Common Language 2016

³² Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

LUKA 5:32 Referans Kwoze

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

MAKUH 15:10

Cun ah ang shi gui ah mawng cu, taigüpa gui naw Bawipa Jesuh cu kä ng’ya hlü u netah, ani ah om nak ah law püi ne ami ap law cu hmat netah a pyein ah kyak ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

MAKUH 15:7

Acun yah ung Barabbas ming nak ciah chang ni, bawi gui hnungtuk püi ciah chang gui ni, m’guk-ei gui ni cu thawng ung cum ci gui.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

MAKUH 2:17

Cun ah ami ng’shi gui cu Bawipa Jesuh naw ng’ya gui netah, “Gai ciah hmawk ah sei bawi kä hlü ci, gaw ciah hmawk ah hlü ci, Kei cu chang k’ni gui ka khü gui khai ah ka lawk ciah kä kyak ci, changshe gui ka khü gui khai ah ka lawk ci” cine kyak na gui ci.

LUKA 5:31

Bawipa Jesuh naw, “Ak gai naw seibawi kä ng’ya hlük ci, ak gaw naw vah ng’ya hlük ci.

LUKA 5:33

Chang amshah gui naw, Bawipa Jesuh-am, “Johan ah ng’khah püi gui la pharisee gui ah ng’khah püi gui cu, ashäng shäng ei hlawi ne taigü ci gui, cun ung phi nang ah ng’düihpüi gui läi ei aw ne om ci gui nei” cik ci gui.