LUKA 5:30 - Cho Bible Common Language 2016

³⁰ Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

LUKA 5:30 Referans Kwoze

LAMKTU 23:9

Ami ng’vookshan ah k’aw cu ng’shawng law pi k’täi khätah, Pharisee pati ungka thukhän saya gui cu ng’düi law u ne, “Shin ah chang ung hmakat nak i kä om ci, khankho chang naw baw, mümcha naw baw ng’thu m’sak ci ah kyak khai” ci ne ng’küükneet ne ng’cuh ci gui.

LUKA 19:7

Acun gui hmu u netah, chang gui naw, “shin ah chang cu kat nak bik ciah im ah kai khai ah hteit ci nei” cine ng’htau ci gui.

LUKA 5:21

Pharisee gui la Saya gui naw, “Khanpughi bäng naw vah shetkat nak phiawn hning ci, shin ah mäih ah ng’thu lawk ci, shin ah chang a u ang?” cine ngai ne ami mät ng’ce ng’cäk ci gui.

LUKA 5:17

Kho hnüüp ät ung Bawipa Jesuh naw am theithang gui yah ung, Kalile, Judah la Jerusalem khaw, pigaw päng ungka lawk ciah Pharisee gui la tuhkhän saya gui cu ngo tuk ci gui. Ak gaw a gai sak nak ah Khanpughi ah huham cu Bawipa Jesuh ung om ci.

MAKUH 7:3

Pharisee gui la Jew chang gui cu pupa gui ah thungyo läk ci gui ah chang gui ah kyak ci. Ami kut m’ya avan kä ami m’si ung ei kä ei man ci gui.

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

LUKA 7:34

Chang ah Htapa law ne, ei ne aw sei, ‘ei aw aih ci, changshe gui la akhawn look ci gui ng’khawtsheng püi gui ci’ nami cik ci.

MATTHE 5:46

Ning m’hni gui ci bäng nami m’hni tu ba ung, a i chaa ah Khanpughi naw m’cümhnah nak ning pe gui khai ang? Akhawn look ciah chang gui naw phi acun ah mäih ah bik ci gui nei.

MATTHE 9:11

Acun gui cu Pharisee gui naw hmuh u netah, “Nami saya cu a i ah kiasei, shin ah changshe gui awn vun vai ne a ei awk tu ang?” ci ne ang düihpüi gui cu ng’shik ci gui.

MAKUH 2:16

Acun ah khon look ci gui la changshe ah ami khoikhei gui awn a täng ah ami ei awk cu pharisee ah kyak ci gui ah thukhän saya gui naw hmu u netah, “A i ah kyasei shin ah changshe gui awn a täng ah a ei awk ang” cine ang düihpüi gui cu ng’shi gui ci gui.

MAKUH 9:16

Bawipa Jesuh naw ang düihpüi gui-am, “Nangmi cu ngami awn a i ah mawnglam ang thu nami pyein?” cine ng’shi gui ci.