Biblia Todo Logo
Bib sou entènèt

- Piblisite -




LUKA 5:24 - Cho Bible Common Language 2016

24 Kei naw akcang ka pyein cu, hmakat nak k’phiawn hning ciah huham cu Chang ah Htapa ung om ne, khomdek khan ah gawk law pyi ci nei,” ci netah, shum ciah chang-am, “Tuhbäi tho law ne, na ih phak lok ne kawt ne, na im ah hteit ba ä” cine pyen nak ci.

Gade chapit la Kopi




LUKA 5:24
26 Referans Kwoze  

cun ah mei-im gui ah ng’lung ah hnicim chang ah mäih tumat cu ka hmuk ci. Ani cu akhawphaa yuk pha khai ah suinu sui ne, ghui m’ciu vawp ci.


Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.


“Tho ne ng’düi ä” cine a k’aw m’can ne pyein ci. Acun vai am cun ah chang cu tho ne ng’düi ne m’khan ne hteit ci.


Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.


“Aeneas, Jesuh Khrit naw ning gai sak ci nei, tho ne na ih phak look ä” cine kyak nak sei, Aeneas cu acun vai am tho lawk ci.


Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.


Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.


Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne,


Ahtapa cu chang ah Htapa ah kyasei m’khoichaa nak nüng vai phi ap pyi ci nei.


Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”


Bawipa Jesuh naw hnumi hta ah kut cu k’pang netah,


Cun kawn ah gook cu a kut awn tawk sei, kawt ci gui cu ng’düm ci gui. Bawipa Jesuh naw, “Phäi hta, tho ba ä” ci khätah, chang k’si cu tho ne ngoh ne ng’htau ci.


Bawipa Jesuh naw a kut awn tawk netah, “Kei ah ng’yak hlü om ci nei, tuhbäi theingthap sä” ci khätah, acun vai-am ak khei gui cu khan yawp ci.


Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,


Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.


“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.


Sisaria Philippi kho ah ami gawk law yah ung Bawipa Jesuh naw ang düihpüi gui cu, “Chang gui naw chang ah Htapa-am a u ah nei ami pyein?” cine ng’shi gui ci.


Cun ung phi chang ah Htapa naw, khomdek khan ah katnak ak phiawn hning cu, ka ning hmuh sak gui khai nei; ci netah shum ciah chang-am, “Tho law ne na ih phak look ne, na im ah hteit ba ä,” cine pyen nak ci.


Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.


Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.


Chang gui naw shum ciah chang tumat cu kawt law u ne, kyong ah luh püi vai ah k’tha nak ci gui.


Na shetkat nak ning k’phiawn nei ci la na gaw thawh ne tho ne hteit ä, cicu yäi ciah hmat u ne ang?


Swiv nou:

Piblisite


Piblisite