LUKA 5:20 - Cho Bible Common Language 2016

²⁰ Bawipa Jesuh naw ami yum nak adäm aih cu hmu netah, shum ciah chang-am,” “Teihpüi awi, na katnak ning k’phiawn pyi nei” ci ne pyen nak ci.

LUKA 5:20 Referans Kwoze

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

LUKA 7:48

Cun kawn ah Bawipa Jesuh naw, “Na katnak ka ning phiawn sak pyi ci nei” cine cun ah hnumi-am pyen nak ci.

KOLOSE 3:13

Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MAKUH 2:5

Bawipa Jesuh naw ngami ah yum nak a i hlawk ah a däm cu hmu netah, shuum ciah chang-am, “Ka hta, na katnak cu ning phiawn sak pyi nei” cik ci.

JAMES 2:18

Cun ung phi chang tumat mat naw, “Chang tumat ung yum nak om ci, ahei tumat ung hnünthawh nak om ci,” cine, a kyak law ung, Kei naw “Hnünthawh nak kä om ciah yum nak cu nam hnuh vä, kei naw ka hnünthawh nak awn ka yum nak cu ka ning m’hnuh gui khai nei,” cine ka pyein khai.

2 KORIN 2:10

Nangmi naw chang tumat ah katnak cu nami m’gein ung, kei naw phi ani cu kam gein ci. Chang tumat cu kei naw kam gein vai a hlü law ung, nangmi ah hmawk teng ne Bawi Khrih ah ma ah kam gein ci nei.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

MATTHE 9:5

Na katnak ning k’phiawn pyii nei, ci ang a yäi tu ba, tho law ne hteit ä, ci vai ang a yäi tu ba?