LUKA 5:12 - Cho Bible Common Language 2016

¹² Kho hnüüp ät ung Bawipa Jesuh cu pigaw tumat ung gawk lawk ci. Cun ah pigaw ah kheilei ung gaw ciah chang tumat om ci. Ani naw Bawipa Jesuh cu hmu netah, ama ah kawp ne, “Sayapa, na ng’yak hlü a om ung na theingthap sak ä” cik ci.

LUKA 5:12 Referans Kwoze

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

LUKA 17:16

Cun kawn ah a kho pei ah m’khuuk doong ne kawp ne, abäkhäk ah mawng cu m’tamkhah ci.

MATTHE 9:28

Bawipa Jesuh cu im tumat ung a gawk law yah ung, cun ah chang goi cu gawk lawk ci goi. Bawipa Jesuh naw, “Kei naw nani mik ka ning m’dei sak goi hning ciah nani yum ci ang?” cine ng’shi goi khätah, “Kani yum ci nei,” cine pyein ci goi.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

MATTHE 26:6

Bawipa Jesuh cu Bethani gawnu ah kheilei ung ayan gaw te ciah Simon ah im ah kai ci.

PHYAWN NAK 4:6

Bawipa naw Moses am a pyen nak ba mä ne, “Na kut cu na htu khui ah k’tawn ä” ci sei, a cun ah k’tawn neta va saw ba khäta, khüi ah mäih ah bawk ne khei ci.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

1 GHANGPUGHANG GUI 18:39

Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”

JOSHUA 5:14

Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

THULÄÄN NAK 24:8

“Nangmi cu puung ciah kheilei ung gaw ne nami yaica ah a kyak ung Levit taigü gui naw a ning m’thein gui ah akcang ah bi vai ah nami cimvai vai nei. Kei naw ka pek gui ah ami shümthein nak cu ami läk vai.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

MAKUH 5:23

Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.

2 GHANGPUGHANG GUI 7:3

Kheilei ung gaw ciah chang phli cu Samaria gawnu m’kawt ah akpung ah om u ne ami mät ng’htau ci gui, “A i ah kyasei mikmi mi sih güt ung shin ung mi om vai ang?

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

TAIGÜTHUM 13:16

Cun ung phi khei cu m’tui ung phi a bawk law ba ah a kyak ung, cun ah chang cu taigü ah a hteh vai.

LUKA 5:13

Bawipa Jesuh naw a kut awn tawk netah, “Kei ah ng’yak hlü om ci nei, tuhbäi theingthap sä” ci khätah, acun vai-am ak khei gui cu khan yawp ci.