LUKA 5:11 - Cho Bible Common Language 2016

¹¹ Ngami cu ami ng’hleiko tui kam ah m’hnawng ba u netah, ami khawh nüng nawng shüt u ne Bawipa Jesuh ah hnu ah läk ci gui.

LUKA 5:11 Referans Kwoze

MATTHE 4:20

Ngahni cu acun vai-am ani ng’vai nawng shüt ni ne, Bawipa Jesuh ah hnu ah läk ci goi.

LUKA 5:28

Levi naw ng’düi law ne a khawh avan nawng shüt netah, Bawipa Jesuh cu läk ci.

MATTHE 19:27

Cun kawn ah Peter naw, “Keimi naw a päng avan nawng shüt ne na hnu ah kami ning läk ci, keimi a i kami gah khai ang?” ci ne ng’shik ci.

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

MATTHE 4:22

ani hleiko la ani pa nawng shüt ne läk tuk ci goi.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.