LUKA 5:1 - Cho Bible Common Language 2016

¹ Kho hnüüp ät ung Bawipa Jesuh cu Kennesaret tuili kem ah ang düih yah ung Khanpughi ah ang thu ngai khai gui ah gawk lawk ci gui.

LUKA 5:1 Referans Kwoze

MAKUH 3:9

Chang gui da aih u khätah cun ah chang gui naw Bawipa Jesuh cu kä ami müt pah-en vai ah, amät ah phäh ah hleiko ami m’shei peit ge vai ah ang düihpüi gui cu m’cäi gui ci.

MATTHE 14:34

Bawipa Jesuh la ang düihpüi gui cu hleiko awn tui-kam vangtäng ah vang kat u ne, Kennesaret ah gawk ci gui.

MAKUH 6:53

Bawipa Jesuh la ang düihpüi gui cu tuili vang ga ah vang kat u ne, Kennesaret ah ami hleiko m’düm ci gui.

MATTHE 11:12

Tuihnim Johan naw ng’thu a pyein law ung tün ne, tuhngawi ung khüt sei khankho cu, changshe gui naw ng’tuk ng’ah püi ci gui. Cun ah kho cu changshe gui naw khäm yawp vai ah k’tha nak ci gui.

JOSHUA 12:3

acun naw Jordan khaw nawi khäm ne Kalile tuili a htum ungka naw Beth Jeshimoth (Tusi tuinu akiang), cun ungka naw Piskahm’htung nawi ung khüt ci.

THULÄÄN NAK 3:17

Akhei täng ah ngami ah khopäng cu Jordan tuinu ah khüt ci. Asiip täng ah Kalile Tuili, A htum täng ah Tuisi Tuinu ung khüt ne, a kiangtäng ah Piskah M’htung nawi ung khüt ci.

KHEI NAK 34:11

Cun ungka naw a htumtäng ah hteit ne Harbela, Ain ah a kiangtäng ung khüt ne, Kalile Tuili ah a kiangtäng tuikem khaw gui gui ung gawk ci,

LUKA 12:1

Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

MAKUH 5:24

Cun ah kyasei Bawipa Jesuh cu Zairus awn a täng ah hteit tuk ci. Chang khli naw a hnu ah läk law u ne, Bawipa Jesuh cu net hngaw ne hteit ci gui.

LUKA 8:45

Bawipa Jesuh naw, “A u ang na tawk ci” cine ng’shi gui ci. Chang gui naw, “Kä ka mi ning tawk ci nei” ci ne pyein u khätah, Peter la a paw gui naw, “Bawipa, chang akda naw ning hnet ne hteit ci gui maw a u ang na tawk ci, cine a i ah kyasei na pyein ang?” cik ci gui.

JOSHUA 13:27

Jordan khaw nawi ung Beth Haram, Bethnimrah, Sukkoth, la Zaphon, pawih ba ciah Heshbon ghangpughang Sihon ah uknak khaw avan. Akhei täng ung ami khawgii cu Jordan tuinu ah kia ne, a siiptäng ah Kalile tuili ung khüt ci.

MAKUH 4:1

Bawipa Jesuh naw Kalile tuili kem ah chang gui cu m’thei thang ba gui ci, Chang khli cu a pei ah law ne ng’bum lawk ci gui. Chang gui da law aih u sei Bawipa Jesuh cu tuili kam ah hleiko ung kai ne ngok ci.

LUKA 5:2

Cun yah ung tui kem ah hleiko hnih gawk lawk ci; hleiko ung kaa nga shui ciah chang gui cu kyum law u ne, ami ng’vai m’si ba ci gui.

LUKA 8:22

Kho hnüüp ät ung Bawipa Jesuh cu ang düihpüi gui awn Hleiko ung ng’cum unetah “Tuili hei gaa ah mi va kai khai nei” ci sei, va pawng vük ci gui.

LUKA 8:23

Hleiko awn cun ah ami vang kah vü sang ung Bawipa Jesuh cu ip ci. Cun yah ung tuili khan ah puikho khi ne ng’pheet law sei, ami hleiko ung tui be law hmet hmet ci. Ngami cu tui ung lut ne di lawk khai gui ah kya lawk ci.

LUKA 8:33

Bawipa Jesuh naw ä ya pe gui sei, chang ungka lut law ne vawk gui ung lut ci gui. Acun vai-am vawk gui cu tui kam keing ung ng’hlü ne dawng u ne, tuili ung lut yawp ci gui.

JOHAN 1:40

Bawipa Jesuh ah hnu läk ci goi ungka, tumat cu, Andrew, Simon Peter ah a phäi ah kyak ci.

JOHAN 6:1

Cun kawn ah Bawipa Jesuh cu Kalile tuili (Tiperih tuili) hei ga lam ah vang kat ci.

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.