LUKA 4:41 - Cho Bible Common Language 2016

⁴¹ Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 4:41 Referans Kwoze

MAKUH 1:34

Bawipa Jesuh naw nat nak a hlü hlü ah gaw ci gui cu gai sak gui ne, khoshe gui phi k’täm gui yawp ci. Khoshe gui naw ani cu a u ah a kyak ah hmat pyi ci gui ah kyasei, Bawipa Jesuh naw ng’thu ami pyein vai ah akhin cu kä pe gui ci.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

MAKUH 3:11

Khoshe ah kai gui ah chang gui naw Bawipa Jesuh cu hmu u netah, ama ah ng’dawkphah u ne “Nang cu Khanpughi ah ning Htapa nei” cine m’lau ci gui.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

MAKUH 1:25

Bawipa Jesuh naw, “kä chawkchek ne, chang ungka lut law ne a hei ah hteit ä” cine taam ci.

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MATTHE 8:16

Khomü lam ah chang gui naw khoshe ah kai, chang akda law püi u sei, khoshe gui cu k’de ne k’täm gui ci.

MAKUH 1:32

Khohni sip ne khomü hun law khätah, chang gui naw gawpai ci gui la khoshe ah kai gui cu Bawipa Jesuh ah om nak ah law püi ci gui.

LUKA 4:39

Bawipa Jesuh naw akgaw ah pei ah hteit netah, gawnak cu k’taap ge ne k’täm ci. Gaw nak maih sei, acun vai-am ani cu tho law ba ne, ngami cu khin na gui ci.