LUKA 4:35 - Cho Bible Common Language 2016

³⁵ Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ungka lut law ne, a hei ah hteit ä” cine k’täm ci. Acun vai-am, ami ma ge ung khoshe cu, chang a i ah phi kä plawh kheih shüt ah lut law ne dawng ci.

LUKA 4:35 Referans Kwoze

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 4:39

Bawipa Jesuh naw akgaw ah pei ah hteit netah, gawnak cu k’taap ge ne k’täm ci. Gaw nak maih sei, acun vai-am ani cu tho law ba ne, ngami cu khin na gui ci.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

LUKA 11:22

Cun ung phi ani ah mä k’thagui däm tu ba ciah chang law ne ani cu am khüt näng ah a kyak ung ani ah ngaih u ah likhim gui phi gut yawp ne akhawh cham gui phi gut yawp ne, amät ah chang gui am k’pai gui khai.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

LUKA 9:39

Khoshe naw ani cu m’lau ne ng’tat khai ah ci sei, am shi phawp phi hmoh ci ci nei. Ani cu ang htei ah bawngbai yaica khai ah ci ne tah khoshe cu lut law ba ci ci.

LUKA 8:24

Ang düihpüi gui naw Bawipa Jesuh cu m’tho ba u ne, “Bawipa, kami si lawk khai kyak ci nei” cine m’lau ci gui. A ih nak ungka tho law ba netah, Bawipa Jesuh naw kho khi la tui ng’hmawk cu ng’düm sak ci, kho khi ng’düm ne tui hnawk pyei ci.

MAKUH 9:26

Khoshe cu m’lau ne, ak hmaw cu ng’tum ne ng’thüng khai ah ng’khlet sak netah, lut law ne a hei ah hteit ci. Cun ah ak hmaw cu aksi vai sü ah ng’yän sei, chang gui naw, “Ak hmaw sik ci nei” cik ci gui.

MAKUH 1:26

Khoshe naw chang cu ng’tum ne ng’khlet khai ah ghu shüt netah, ng’shan sei m’lau ne lut law ne hteit ci.

MATTHE 17:18

Bawipa Jesuh naw ak hmaw ungka khoshe cu täm khätah khoshe cu dawng sei, acun vai-am ak hmaw cu gai ci.

ZEKHARIAH 3:2

Bawipa ah khanchang naw Satan am, “Satan, nang cu Bawipa naw ning m’kyuk sä! Jerusalem m’hni ciah Bawipa naw ning m’kyuk sä. Shin ah chang cu mei bum ungka lak ah mei tawn ah mäih ah kyak ci nei” cine kyak nak ci.

SAM 50:16

Khanpughi naw changshe gui-am “A i ah kyasei ka thumkhän na täitawk vai ang? A i ah kyasei ka shaitak na pyen m’shet vai ang?

MAKUH 4:39

Bawipa Jesuh cu tho ne ng’düi law netah, “Khokhi aw ng’düm ä, tui hnawk aw kyeim ä” cine khämtam ne pyein ci. Acun vai-am kho khi cu ng’düm ne, tui hnawk cun phi kyeim ci.

LUKA 4:23

Bawipa Jesuh naw, “Nangmi naw, ‘Nang seibawi, na mät ah nat nak, na mät naw na gai vai ah m’htei ä’ ciah khuishui ah mäih ah nami na ng’thu püi khai, Kapernaum ah na bi ah mäih ah, na mät ah pigaw ung phi na bi vai, cine nami kyak khai;