LUKA 4:22 - Cho Bible Common Language 2016

²² Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

LUKA 4:22 Referans Kwoze

JOHAN 6:42

“Shin ah chang cu Josef ah hta, Jesuh ah kä kya ne ang? Ani ah anu la apa phi mi hmat yawp ci maw, a i ah kyasei tuhbäi, ‘Kei cu khankho ah kaa ka kyum lawk ci’ a ci ang?” cik ci gui.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

NG'THU K'THUUK~ 16:21

Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

TITUS 2:8

A u naw kä a täitawk-en thei vai ah bä ciah thu lung gui na pyein vai nei, cun ung na ga gui naw mikmi ah khan ah a i ung phi katnak kä hmu u netah lü ng’aa khai gui nei.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

NG'THU K'THUUK~ 25:11

Ng’htei khai ah m’dang ah ngaih-tüh nak cu ngui ung ng’lin ah ghui lawi ah mäih ah kyak ci.

NG'THU K'THUUK~ 10:32

Düng ciah chang gui naw akni ah ami ng’thu vai hmat ci gui, Cun ung phi changshe gui cu angtäi sei akshekha ah ng’thu ci gui.

SAM 45:4

Düng nak la taga nak ah shung hmawk ah näng vai ah m’gäi nak ung ng’cum ne hteit ä. Na thagui naw ak kuikyang ah ning näng sak khai nei.

LUKA 2:47

Ani ah hmuhmat nak la ang thu gui ng’yak ciah chang gui cu ang htei ah cäicat ci gui.

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

LUKA 2:48

Josef la Mari cun phi ani hmu law ne cäicat ni netah, Anu naw, “Ka hta, a i ah kyasei shikchaa ah na kyak ang? Napa la kei naw ang htei ah ng’ä ne ka ni ning shui ba ci nei” cik ci.

LUKA 4:21

Bawipa Jesuh naw, “Shin ah cacim ung om ci cu, tuhbäi nami ng’yak ah mäih ah küm pyi ci nei” cine pyein ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.