LUKA 4:2 - Cho Bible Common Language 2016

² Acu ah hnüüp phli-kip ung khoshe ah tüihtok nak gah ci. Hnüüp cun gütung Bawipa cu ei kä ei ah om ci kya ne ang htei ah ei cawi lawk ci.

LUKA 4:2 Referans Kwoze

1 GHANGPUGHANG GUI 19:8

Elijah cu tho law neta ei aw ba ci, a ei awk naw k’thagui pe sei hnüüp phli kip ung hteit ne khomhtung theing Sinai ah gawk ci.

PHYAWN NAK 34:28

A cu ah Moses cu Bawipa awn a täng ah hnüüp phlikip la, mü phlikip ung ei kä ei, tui kä awk ah om ci. Ani naw lung phe gui ah khan ah thumkhän ca ng’lung gui cu guk ci, thumkhän gha ah kyak ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

HEBRU 2:18

Tuhbäi ani naw tüihtok nak gah ciah chang gui cu m’htei gui hning ci, a i ah kyasei ci ung, ani amät cu tüihtok nak la geinvai nak gah pyi ciah kyak ci.

THULÄÄN NAK 9:9

Kei cu lungphe gui ka dou khai ah m’htung ah ka hang kai ci. Acun ung Bawipa naw nang awn abi ah thumkhän gui guk ah kyak ci. Kei cu acu ah hnüüp phlikip la mü phlikip ka om ci. A i phi kä ka ei awk ci.

JOHAN 4:6

A cun ung Jakob ah tui shawk om ci. Bawipa Jesuh cu lam a hteh nak bawngbai netah, tui shawk pei ah ngok ci. Cun yah cu hnüüp lunglai ah kyak ci.

THULÄÄN NAK 9:18

Cun kawn ah kei naw ka hmai ka ah m’kyum ne Bawipa ah om nak ung hnüüp phlikip la mü phlikip ung a i kä ei awk ah ka om ci. Kei naw cun ah ka bi cu nangmi naw katnak bi u ne Bawipa nami hnungtuk püi ah phäh la m’lungshe khai ah nami bi ah phäh ah kyak ci.

MATTHE 21:18

Kho ngawihta ah mang gawnu ah ami hteh ba lam ah Bawipa Jesuh cu ei cawi lawk ci.

MATTHE 4:2

Bawipa Jesuh cu hnüüp phli-kip la mü phli-kip ung a ei kaa ah om netah, ei ah cawi lawk ci.

JONAH 3:7

Ani naw Nineveh chang gui am ng’shäu nak thu m’shäk gui ci, “Shin cu ghangpughang la a bawi gui ah ng’thu küi nei; A u naw a i kä ah ei awk en vai; chang avan, sei avan, htome avan naw a i kä a ei awk vai ah kami k’bäi ci nei.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

1 SAMUEL 17:16

Koliath naw Israel gui cu a khaw ngawi tä, a mühun tä hnüüp phli kip ung gheet taap gui ci.

THULÄÄN NAK 9:25

“Cun ah kyasei kei cu m’dek ung ka hmai m’kyum ne Bawipa ah ma ah hnüüp phlikip la mü phlikip ka om ci. A i ah kyasei ci ung nangmi ning m’di gui khai ah ak bäi pyi cu kei naw ka hmat ci.

PHYAWN NAK 24:18

Moses cu khong mei ah ng’lung ah khomhtung ah hang kai ci. Acu ah ani cu hnüüp 40 la mü 40 om ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

LUKA 4:3

Cun kawn ah khoshe naw, “Nang cu Khanpughi ah hta ah na kyak ung shin ah lung cu m’htut ah pyang ä” cine pyen nak ci.