LUKA 4:18 - Cho Bible Common Language 2016

¹⁸ “Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

LUKA 4:18 Referans Kwoze

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LUKA 7:22

Bawipa Jesuh naw Johan ah tüih law gui-am, “Hteit ba ne nami hmuh nami ng’yak cu Johan-am m’thein ba vä; amik m’dauh ci gui m’dei ba ci gui, akho ng’khem ci gui hteit ba thei ci gui, kheilei ung gaw ci gui theek ba ci gui, ak hnga pang ci gui ng’ya ba ci gui, sik ci gui ghing ba ci gui, dukhaih ciah chang gui naw ng’Thu Ni ng’ya pyi ci gui nei.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

ISAIAH 32:3

Chang gui ah hlü nak ami hmuh ng’yak nak thei vaiah ami mik, ami k’hnga hmawn pe gui khai nei.

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

ISAIAH 35:5

Amik m’dauh gui naw hmu hning khai gui, akpang gui naw ng’yak khai gui.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

LUKA 6:20

Bawipa Jesuh naw ang düihpüi gui tän ne teng gui netah, “Pyam tham ciah chang gui yeikyai vä, Khanpughi ah Uknak khaw cu nangmi ah khaw ah kya ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

SAM 102:20

Ani naw thawng kyum gui ah ng’hlo ei cu ng’yak ci, sihnak ah ami m’kyuk gui cu m’hlawt gui ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 49:9

Kei naw thawng kyum ci gui ka pyen na gui khai, ‘Luat ne hteit ba vä!’ Ka cik khai, Hmüp khui ung om ci gui am, ‘Akdei ung lut law vä! ka cik khai!’ Ngami cu khogui yung ah khu ei ciah htome ah mäih ah kyak khai gui;

ISAIAH 45:13

Apäng avang ng’düng ne, ka ng’bü nak gui akümbe nak vai ah, kei kamät naw Sairus cu m’thütho ne ka hnünthawh sak ci nei. Ani ah hteh nak vai ah lam päng cu kei naw ka düng sak khai nei. Ani naw ka mang gaw, Jerusalem cu co ba khai nei, ami pha gui ah ka chang gui cu m’hlaut gui khai nei. Shin abi vai ah ani cu, a u naw phi kä pek ci nei.” M’gäi ciah Bawipa naw ng’thu a pyen nei.

SAM 34:18

Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

ZEPHANIAH 3:12

A m’lung gei sei, am lung neim ciah chang gui cu a cu ah ka pawih na gui khai, ngami cu ka m’htei gui vai ah kei ah lawk khai gui.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

MATTHE 12:20

Ani naw ak thagui kä om cicu k’dükdawm ne, a yi-hnei vai kä om cicu chimgein khai. Ani cu düng nak awn näng nak ung khüt khai ah bi bik khai.

SAM 51:17

O Khanpughi, kei ah khawihnah nak cu, ng’gäi ciah m’lung nei. Nang naw ng’gäi ciah m’lung la ng’yu ba ciah m’lung cu kä na nawng düt ci nei.

ZEKHARIAH 11:11

Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

LUKA 4:17

Pum im ngäng ciah chang naw profet Isaiah ah guk ah ca-uk cu pe lawk ci. Bawipa Jesuh naw cun ah ca-uk cu kawt netah;

LAMKTU 4:26

Khomdek khan ghangpughang gui naw, Khanpughi cu ng’tuk püi vai ah pawng püi pyi ci gui, Bawipa lah Messiah cu hnu ng’tuk püi vai ah ng’bum pyi ci gui” ciah kyak ci.