LUKA 4:15 - Cho Bible Common Language 2016

¹⁵ Ani naw chang gui ah pum nak päng ah hteit ne m’theithang gui sei, chang gui naw m’hlüngtai ci gui.

LUKA 4:15 Referans Kwoze

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

LUKA 13:10

Pum hnüüp ung Bawipa Jesuh cu pum im ah m’theithang gui ne om ci.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MAKUH 1:39

Bawipa Jesuh cu Kalile kho avan ung hteit ne, pum im gui ung thu pyein ne, khoshe gui phi k’täm gui ci.

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

MATTHE 13:54

amät ah pigaw ah hteit ba ci, Pum im ah m’theithang gui sei, Cun hmuk ciah chang gui cu cäicat u netah, “Shin ah chang naw shin ah hmuhmat nak gui ahawi a gah ang? Cäi-aih gui vai mä a i hawkcha abi hning ang?

MATTHE 9:35

Bawipa Jesuh cu gawnu, gawhta apigaw päng ung hteit ne, pum im gui ung m’theithang gui ci. Khanpughi ah uknak kho a mawng thu k’ni gui cu m’theithang gui ne, gawpai nak a hlü hlü ung gawpai ci gui phi gai sak gui ci.

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

LUKA 4:16

Cun kawn ah Bawipa Jesuh cu a däm ng’vai law nak Nazaret gawnu ah hteit ba ci. Ani cu kyin hnüüp ung a hteh man ah, pum im ah hteit ne, cacim cu phat khai ah ng’düi law khätah;