LUKA 3:9 - Cho Bible Common Language 2016

⁹ Singghing päng ah kung cu ghei akghaat awn m’täh ci nei, kä m’theih ciah sing phung cu chu pit ne, mei k’cang ung k’bum khai nei.

LUKA 3:9 Referans Kwoze

MATTHE 7:19

Chang gui naw akni ah käm theih ciah a ghing gui phung cu, chupit ne mei ung k’bum man ci gui.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

LUKA 13:9

Hngeng kum läi m’theih khai nei, kä a m’theih ah a kyak ung chu pit ne ghawh vai nei, cine pyein tu ba ci” cik ci.

LUKA 13:7

Ka mah naw, “Kei law ne, shin ah thei ak theih la kä ak theih ah ka teng law nak kum thum law lawk ci. Cun ung phi pum ät ah phi kä m’theih ci, cun ne ghawt-en ä, khomdek tai düt ci nei” ci ne chaam ngäng ci-am pyen nak ci.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

DANIEL 4:23

Nang ghangpughang naw na ngäng yah ung khanchang kya law neta a pyen cu, “Sing ghing cu chu ne m’di vä, cun ung phi ak hmuicum’dek ung om sä. M’sii gui la kyei gui awn ven ne khit ne, loma m’ghaw hmu ah nawng vä. Cun ah chang ah khan ah khüi baw sä, ani cu khisa gui awn atäng ah kum chih ung om sak vä.’

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.

EZEKIEL 31:18

“Sing ghing cu Egypt ghangpughang la a chang gui avan ah kyak ci. Eden ung sing ghing gui pang hngaw cun hlawk ah kä ng’ng’shäi ci gui, kä bä ci gui. Cun ung phi tuhbäi, ani cu Eden ung sing ghing gui ah mäih ah sih nak ah khaw ah zu kya ne, Khanpughi ka ah kyak ci gui la ng’tuk nak ung ami ngawn gui awn ng’dawn tuk khai gui. Kei ah thu pyen nei” cine uktu Bawipa naw pyen ci.

HEBRU 10:28

Moses ah thukhän kä läk ciah chang tumat cu hnih thum saksi sei, akat nak ang dang ah a kyak ung, m’gein nak kä om sei sih nak pek ci gui nei.

LUKA 13:6

Cun kawn ah Bawipa Jesuh naw shin ah m’tumtäng nak pe gui ci. Chang tumat ah chaam kyong ah ami geit ah k’thei ghing tumat om ci. Ka mah law ne teng law netah, cun ah thei ghing ah am theih cu kä hmuk ci.