LUKA 3:7 - Cho Bible Common Language 2016

⁷ Chang am shah gui cu tui ng’hnim khai gui ah Johan ah law u khätah, “Chang m’äm mah gui, gawk lawk khai ah Khanpughi ah m’lung she nak, phiawn nak vai ah mawng a u naw ang a ning m’thein gui?

LUKA 3:7 Referans Kwoze

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

ISAIAH 59:5

Nangmi naw akshe nami pawng püi cu, k’phyu m’ä mah ah m’tui akheh ah mäih ah sih nak pyang ci. Pum ät kheh sei, phyu tumat lut lawk ci; cun ung phi nami pawng püi naw nami khan ah kä ah ni ah bi bik khai — ngami cu bangkaga ng’gan awn tah ah sui ah mäih ah a i ah kä mawng khai.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.