LUKA 3:23 - Cho Bible Common Language 2016

²³ Abi tün ne abi law sang ung Bawipa Jesuh cu a khokum thumkip lawk ci. Ani cu Josef ah hta ah chang gui naw ngai ci gui.

LUKA 3:23 Referans Kwoze

MATTHE 13:55

Ani cu m’si sheh a hta ah kä kya ne ang? Ani cu Mary ah hta, a nau gui cu James, Josef, Simon la Judas ah kä kya ne ang?

KHEI NAK 4:3

Pami avan a khokum thumkip la hmakip ah ng’lak ungka, Bawipa ah om nak ah Phung ung bilo hning khai phung cu, ang ming na guk vai.

LAMKTU 1:1

Theophilus aw: Ka guk htük ah ca-uk cu Bawipa Jesuh naw bi abi law nak ung leng neh,

JOHAN 6:42

“Shin ah chang cu Josef ah hta, Jesuh ah kä kya ne ang? Ani ah anu la apa phi mi hmat yawp ci maw, a i ah kyasei tuhbäi, ‘Kei cu khankho ah kaa ka kyum lawk ci’ a ci ang?” cik ci gui.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

MATTHE 1:16

Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

ATÜNNAK 41:46

Joseph cu Egypt ghanpughang ah a kyak law yah ung a khokum thumkip lawk ci. Ani cu mang im ungka lut law ne a uknak khaw avan cu hteit ne teng ci.

LUKA 3:31

Eliakim cu Melea ah hta, Melea cu Menna ah hta, Menna cu Mattatha ah hta, Mattatha cu Nathan ah hta, Nathan cu David ah hta;

MATTHE 1:6

David ungka naw Israel chang gui Babilon kho ah ami hteh püi gui ung khüt ciah ng’shon ah ng’täm law gui cu; David ah hta Solomon (anu cu Uriah ah chu David ah khäm tu ba);

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

2 SAMUEL 5:4

David cu ghangpughang ah akiak law yah ung a khaw kum thum kip lawk ci, ani naw khawkum phli kip uk ci.

LUKA 2:48

Josef la Mari cun phi ani hmu law ne cäicat ni netah, Anu naw, “Ka hta, a i ah kyasei shikchaa ah na kyak ang? Napa la kei naw ang htei ah ng’ä ne ka ni ning shui ba ci nei” cik ci.

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.