LUKA 3:22 - Cho Bible Common Language 2016

²² Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

LUKA 3:22 Referans Kwoze

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

JOHAN 1:32

Cun kawn ah Johan naw, “Müüm bawk ah mäih lawk ciah Mumcha Theing cu, khankho ah kaa kyum law ne, alu khan ah ngo law sei ka hmuk ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

LUKA 4:21

Bawipa Jesuh naw, “Shin ah cacim ung om ci cu, tuhbäi nami ng’yak ah mäih ah küm pyi ci nei” cine pyein ci.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MATTHE 3:13

Cun sang ung Bawipa Jesuh cu Kalile kho ah kaa, Jordan tuinu pei ah Johan ah om nak ah tuinim khai ah gawk lawk ci.

MATTHE 3:16

Bawipa Jesuh cu tuinim pyii ne a Luh law ba kawn ah, khankho cu yung hmawng law khätah, Khanpughi ah Mumcha Theing cu müm bawk ah mäih ah yawng law ne, ak khan ah ngo law sei hmuk ci.

MAKUH 1:9

Kä shou pha sei Bawipa Jesuh cu kalile kho, Nazaret gawnu ungka law ne, Jordan tuinu ung Johan ah tuihnim nak cu lak ci.

MAKUH 1:11

Cun kawn ah khankho ah kaa k’aw cun phi, “Nang cu kam hni aih ah ka ning Htapa nei, nang ung kei ka yeikyai ci nei” ciah thang lawk ci.

MAKUH 9:7

Cun kawn ah khomei tumat dang law ne ami khan ah hnim law gui ci. “Shin cu kei ah m’hni ah Ka Htapa nei, ani ah ng’thu cu ngai vä” ciah k’ow cu khomei ungka ng’thang lawk ci.

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

JOHAN 5:37

Na tüi lawk ciah Kapa Khanpughi amät naw phi, kei ah mawng cu saksi ci. Nangmi naw ani ah k’o kä nami ng’ya man khai, amüi phi kä nami hmu man khai;

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.