LUKA 3:1 - Cho Bible Common Language 2016

¹ Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

LUKA 3:1 Referans Kwoze

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

MATTHE 27:2

Cun kawn ah Bawipa Jesuh cu khit netah, Roman bawi Pilat ah hteh püi ci gui.

LAMKTU 26:30

Cun ah kya khä tah, ghangpughang la ak chu Bernice ni, Gawmang ni, ami chang gui ni ami van cu ng’düi law ba ci gui.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

LAMKTU 23:26

“Klawdius Lisias naw Gawmang Felix ah chang m’sui nak awn ca gu lawk ci nei.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LUKA 23:24

Pilat naw ngami ah pyein ah mäih ah m’khoichaa nak cu bik ci.

LUKA 9:7

Kalile kho uk ciah Herod mang cu Bawipa Jesuh ah bi ng’ya netah ang htei ah ang ngaih awng-aa ci, A i ah kyasei ci ung chang am shah naw, “Tuihnim saya Johan tho ba ci nei” cik ci.

LUKA 3:19

Cun kawn ah Johan naw, anau ah chu Herodias phi chu na ne, kat nak akda bik ciah Herod cu, akat nak dang yawp khai ah m’cäi ci.

MAKUH 6:17

Herod naw anau Philip ah chu Herodias cu gut ne akchu nak ah mawng ung Johan cu pha ne thawng ung a chum ah kyak ci.

MATTHE 14:3

Herod naw Johan cu anau Philip ah chu, Herodias ah mawng awn pha ne thawng ung a chum te ah kyak ci.

MATTHE 14:1

Cun yah ung Kalile kho uk ciah Herod naw Bawipa Jesuh ah a mawng cu ng’ya netah,

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

MATTHE 14:6

Herod ah ang tüi nak hnüüp ung Herodias ah hta hnumi hta cu mang khin gui ah ma ah ak ni ah lam khätah, Herod cu ang htei ah yei ci.

MATTHE 22:17

Cun ah kyasei nang naw a i ah na ngaih cu nam thein gui ä, ‘Ghangpughang-am a khon look ne peit vai ang, kä peit vai ang?” cine ng’shik ci gui.

MAKUH 6:21

Herod ah ng’tüi nak hnüüp ung Herodias ah bi bi nak hlü ah lam cu ng’dang lawk ci. Cun ah hnüüp ung Herod naw, Kalile kho ungka bawi ng’vaipi gui, gakap bawi gui, la mangpa gui nüng cu khü gui ne, mü-ei aktung ah pyang m’tham ne khin na gui ci.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.