LUKA 24:44 - Cho Bible Common Language 2016

⁴⁴ Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

LUKA 24:44 Referans Kwoze

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

LUKA 9:22

Cun kawn ah Bawipa Jesuh naw, “Chang ah Htapa naw yaica nak akda awt khai, chang ng’vai gui, taigüpa gui, thukhän saya gui naw, shedam nak khai gui. Ani cu sih nak phi awt khai, cun ung phi ak hnüüp thum hnüüp tho ba ne ghing ba khai” ci ne ang düihpüi gui-am m’thein gui ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

HEBRU 10:1

Jew thukhän gui cu be ci la bekhüt ciah akcang gui ah kä kyak ci: gawk lawk khai ah nikiom nak gui ah püpüi gui ah kyak ci. Thukhän ah ciah akum täi sei küikyan nak cu bi ah kiak ci. Cun ung a i hawkcha ah thukhän naw, Khanpughi ah lawk ciah chang gui cu, kümbe sak gui khai aw?

JOHAN 5:46

Moses naw kei ah mawng cu ca ung gu pyi ci kyasei, ani akcang ah nami yum ung kei phi nami na yum khai.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

SAM 118:22

Im co ci gui naw ghäuh ne ami nawng ah lung cu, ng’lat ba ne, avan ung aküikyang pi ah kya lawk ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

ZEKHARIAH 14:4

Cun ah khin ung ani cu Jerusalem ah hni law lam, Olive M’htung ung ng’düi khai. Cun ung Oliv M’htung cu akhei ungka naw ak kyang hnih ah ng’bou sei hmawi m’ghawng akdäm ah kya lawk khai. Khomhtung a teih cu siip täng ah ng’nawn sei, a teih cu htum täng ah ng’nawn khai.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

EZEKIEL 17:22

Shin cu uktu Bawipa ah pyen nei: “Kei naw ceda sing nu ah am tawn cu la ne, a tawi cu ka tüp khai; kei naw khomhtung hlüng ung,

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

KHEI NAK 35:25

Chang bum gui naw chang ngawn ciah chang cu sik ciah chang ah mätyah gui ah kut ungka ami gun tu vai, ngami naw ani cu ng’yii nak ah mang gaw ah ami tüih vai, a cu ah ani cu phyawng khai. Ani cu acu ah taigütung kä a sih pha a chuih a om tu vai.

KHEI NAK 21:8

Cun kawn ah Bawipa naw Moses am am thein cu, “Phyu a gup na pyan vai, tung ung na tai vai. A u chang phi phyu naw ak dawh ung acun ateng vai. Ani cu gai khai” ciah kyak ci.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

JOHAN 3:14

Moses naw bungpuk ah ng’lawi awn k’phyu a tai ah mäih ah chang ah Hta cu m’düih ne tai nak om khai nei.

LUKA 24:46

Bawipa Jesuh naw, “Cacim ung, Messiah cu sihnak awt khai, cun kawn ah ak hnüüp thum hnüüp sihnak ungka tho ba khai.

JEREMIAH 33:14

Bawipa naw pyen ci, “Israel la Judah chang gui am kei naw ka bi ah shaitak cu, kei naw ka be sak nak vai ah akhin gawk lawk ci nei

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

ATÜNNAK 14:18

A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci.

HEBRU 7:1

Shin ah Melchizedek cu Salem ghangpughang ah kya ne, a hlüngtai säih Khanpughi ah taigü ah kyak ci. Abraham naw ghangpughang paphli tu ne näng ne a law ba ung, Melchizedek naw dou ne phyuhtheh nak pek ci.

HEBRU 3:5

Moses cu Khanpughi ah im kyong ah ak changshäm ah kya ne bekhüt ne om ne, ma lam ah Khanpughi ah thu law vai gui cu, ana pyein law ma ci.

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

LUKA 9:44

“Chang ah Htapa cu chang gui ah kut ung ap khai gui nei, Cun cu kä nami m’hnih-en vai nei” cine ang düihpüi gui-am kyak na gui ci.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

MATTHE 26:54

Cun ung phi kei naw cun ah ka bi ung a i hawk-cha ah cacim cu kümbe hlawt khai ang,” cine kyak na gui ci.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

MAKUH 9:31

A i ah kyasei ci ung, “Chang gui ah kut ung chang ah Htapa cu ap khai gui, ani cu ngawn khai gui, cun ung phi ak hnüüp thum hnüüp ung sih nak ungka tho ba khai” cine ang düihpüi gui-am am thei thang gui su ah kyak ci.

MATTHE 1:22

Shin ah amawngma gui cu profet gui-am Khanpughi naw am cäi nak gui ah ng’thu a khüm nak ah kyak ci.

LAMKTU 2:27

A i ah kiah sei ci ung nang Bawipa naw kei cu, sih nak ah khaw ung kä nah na nawng düt khai; Nang ung ng’düng ciah na chang cun phi, Ng’cim hmun ung kä na thu kat sak düt khai ah kyak ci.

LAMKTU 13:40

Prophet gui ah ca guk ung: