LUKA 24:29 - Cho Bible Common Language 2016

²⁹ Cun ung phi ngani naw, “Tuhbäi kho mü lawk khai kyak ci, keimi awn a täng ah mi ip tu kaw, cine khü tuk ci goi. Bawipa Jesuh cu ngani awn a täng ah ip tuk khai ah läk tu goi ci.

LUKA 24:29 Referans Kwoze

2 GHANGPUGHANG GUI 4:8

Hnüüp ät ung Elisha cu bühmang ciah hnumi ah om nak Shunem ah hteit ci. Ani naw khü ne ei m’bei tuk ci, cun ung tün ne, Shunem ah a hteh päng ung a cun ah hnumi ah im ah ei ei tuk ci.

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

LUKA 14:23

Im mah naw, “Pigaw im lo yung nüng ah hteit ne, ka im ung be khai ah, chang gui khü law gui yä, ayan khü gui ma ah chang tumat naw phi;

LAMKTU 16:14

Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci.

LUKA 24:28

Ami hteh nak vai ah pigaw k’et law u netah, Bawipa cu ng’täi ne hteit khai pawng ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.