LUKA 23:5 - Cho Bible Common Language 2016

⁵ Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

LUKA 23:5 Referans Kwoze

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

MAKUH 1:14

Johan thawng ung ami chum kawn ah Bawipa Jesuh cu Kalile kho ah law ne Khanpughi ungka lawk ciah Thu Ni cu pyein ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

LAMKTU 23:10

Ami ng’cuhcan nak cu däm law pi k’täi khätah, gakap ng’vaipi naw Paul cu ami ngawnsheh law vai ah ng’ä netah, gaakap gui am Paul cu m’htei ne yung im kyong ah ami hteh püi ba vai ah pyein ci.

LAMKTU 10:37

Johan naw tuihnim nak ah mawnglam a pyein kawn ah Kalile ung tün ne, Israel kho avan ung dangshai ci gui la,

LAMKTU 7:57

Kawngsi ng’vai gui cu m’lau u neh, ami kut awn ami k’hnga bawm yawp u neh, ani ah om nak ah dawng lawk ci gui.

LAMKTU 7:54

Judah kawngsi ng’vai gui cu Stephen ah ng’thu ng’yah u netah ami ha htui neh m’lung k’she ci gui.

LAMKTU 5:33

Cun ah ng’thu cu kawngsi ng’vai gui naw ng’yah u netah ang htei ah m’lung she u neh ang düihpüi gui cu ngawn hlü gui ci gui.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

JOHAN 7:41

Chang amshah naw, “Messiah cu Kalile kho ungka law hning khai ma?

LUKA 23:23

Cun ung phi chang gui naw, Bawipa Jesuh cu ktumlamtung ung tai ne ngawn vai ah m’lau laih laih u netah, akhnu ah näng ci gui.

LUKA 11:53

Cun ung kaa Bawipa Jesuh cu ng’düi law ne a hteh ba kawn ah thukhän saya gui la pharisee gui naw, Bawipa Jesuh cu akshe ah süsawng ne pyein sak ci gui.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

MATTHE 11:1

Bawipa Jesuh naw cun ah ang düihpüi gha-lei-goi cu m’cäi gui netah, acun ah kho pei yung pigaw gui ah ng’thu pyein ne m’theithang gui khai ah hteit ci.

LUKA 23:6

Pilat naw cun ami ci ng’ya netah, “Ani cu Kalile chang maa?” cine ng’shi gui ci.