LUKA 23:42 - Cho Bible Common Language 2016

⁴² Cun kawn ah Bawipa Jesuh-am, “Ghangpughang ah kya ne na uk law hnüüp ung kei phi na shüm tu ba bäi” cine pyein ci.

LUKA 23:42 Referans Kwoze

LAMKTU 16:31

Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui.

LUKA 12:8

“Kei naw akcang ka pyein cu, chang ah maa ah, kei ah chang ah pyein ne, amät ng’kiaa ciah chang cu; khankho chang ah maa ah, Chang ah Htapa naw, amät ah chang ah pyein ne ng’kiaa pek khai.

LUKA 18:13

Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

LUKA 23:41

ni mät ah katnak awn ni mät ni hteit ciah kyak ci, cun ung phi a ni cu a i phi akat nak kä om ci nei” cine pyen nak ci.

LUKA 23:43

Bawipa Jesuh naw, “Kei naw thukhän ne ka pyein cu, atuh ngaw nang cu kei awn a täng ah paradise kho ah na om khai nei” cine pyen nak ci.