LUKA 23:4 - Cho Bible Common Language 2016

⁴ Cun kawn ah Pilat bawi naw, taigüpa gui la chang khli gui-am, “Shin ah chang hniim nak vai ah a mawng kä ka hmuk ci nei” cine kyak na gui ci.

LUKA 23:4 Referans Kwoze

JOHAN 18:38

Pilat naw, “Düngnak cu a i ang?” cine ng’shi ba ci. Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci.

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

LUKA 23:22

Pilat naw, “Ani naw a i katnak ang a bi? Ani ngawn nak vai ah katnak tumat phi kä ka hmuk ci. Cun ah kyasei ani cu htung awn that ne m’cäi netah ka tüi ba khai” cine ak thum vei nak ah pyein ci.

MAKUH 15:14

Pilat naw, “Ani naw shetkat nak a i ang abi? cine ng’shi ba gui ci. Chang gui naw, “Cun ah chang cu kutlamtung ung tai ne ngawn vai nei” ci ne m’lau law piktäi ci gui.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

LAMKTU 25:25

Ani naw sih nak khin vai ah katnak a bi tumat phi kei naw kä ka hmuk ci nei. Cun ung phi a mät naw ghangpughang ah ka ng’coi ng’paa khai ci sei, nang ghangpughang ah law püi vai ah ka k’bäi ah kyak ci nei.