LUKA 23:35 - Cho Bible Common Language 2016

³⁵ Chang gui naw ng’düi ne ami dan yah ung Jew chang ng’vai gui naw, “Shin ah chang cu chang hei gui hun gui ciah, Khanpughi naw am düih ah Messiah ah a kyak ung amät naw, amät hun law shüm sä” cine päipih ci gui.

LUKA 23:35 Referans Kwoze

SAM 22:17

Ka guh gui avan cu dang yawp ci, ka gaa gui naw na teng u ne na gaih m’gin ci gui.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

NG’ÄI KYAH 3:14

Chang gui naw a hnüüp um ung na gaih tuk ci gui. Ngami ami van ah phäh ah kei cu cawhpeh ah mäih ah ka kyak ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

SAM 71:11

Ngami naw, “Ani cu Khanpughi naw nawng ci nei; k’tääm ne mi pha kaw, ani gung khai a u kä om ci nei” cik ci gui.

SAM 69:26

Nang naw na m’kyuk cu ngami naw dukdeiu na tu ba ci gui; nang naw na leim bai sak nak gui awn geinvai sak ci gui ah mawng cu, ngami naw pyen ci gui.

SAM 35:15

Cun ung phi kei ka gein vai yah ung ami van yei ci gui, nak bui u ne, na gaih tuk ci gui. Chang lam k’hteit gui naw, na pung beeih ci gui, na plawh sheh ci gui nei.

SAM 4:2

Ngami chang gui, a i güt kei nami na shukchak khai ang? A i güt a phu kaa cu m’hni ne, hleei hlak nak cu nami shui khai ang?

LUKA 23:13

Pilat naw taigüpa gui Jew chang ng’vai gui la chang a hei gui khü gui netah;

LUKA 23:39

Kutlamtung ung ami tai goi ah changshe hnih ungka tumat naw, “Nang cu Messiah ah kä na kya ne ma? Na mät phi hun ne, keini phi na hun tu goi ä hawya!” cine päipih ne pyein ci.