LUKA 23:32 - Cho Bible Common Language 2016

³² Katnak bik ciah changshe hnih cun phi Bawipa Jesuh awn a täng ah ami ngawn gui vai ah hteh püi ci gui.

LUKA 23:32 Referans Kwoze

MAKUH 15:27

Bawipa Jesuh awn a täng ah m’guk-ei pahnih cun phi akpat lam ah tumat ak eng lam ah tumat ah kutlamtung ung tai ne ngawn tuk ci gui.

MATTHE 27:38

Cun yah ung m’guk-ei hnih cun phi Bawipa Jesuh awn a täng ah tumat ak pat lam, tumat ak eng lam ah kutlamtung ung tai ne ngawn ci gui.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

JOHAN 19:18

(Acun cu Hebrew ng’thu awn Kolakotha) cik ci gui. Acun ah hmun ah Bawipa Jesuh cu kutlamtung ung tai ne ngawn ci gui. Bawipa Jesuh awn a täng ah a hei chang hnih cun phi, ak englam ah tumat, akpat lam ah tumat tai ne ngawn ci gui. Bawipa Jesuh cu ang lung ung tai ci gui.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

LUKA 23:31

Chiing ne lim ciah a ghing hngaw shin hlawk ah ka yaica ung a ghing chawng ci a i hlawk ah yaica khai ang” cine kyak na gui ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.