LUKA 23:31 - Cho Bible Common Language 2016

³¹ Chiing ne lim ciah a ghing hngaw shin hlawk ah ka yaica ung a ghing chawng ci a i hlawk ah yaica khai ang” cine kyak na gui ci.

LUKA 23:31 Referans Kwoze

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

NG'THU K'THUUK~ 11:31

Changnigui cu khomdek khan ung m’cümhnah nak gah ci gui, cun ah kyasei ng’htei sei nami hmat vai cu, shang shekha gui la chang kaa gui cu m’kyuk nak gah khai gui.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

JEREMIAH 25:29

Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

LUKA 23:30

Cun ah akhin ung chang gui naw, khomhtung gui-am, ‘Keimi ah khan ah piawn ne kya law vä’ ci u ne; khogui gui-am, ‘Keimi ng’min ne na lin law gui ä’ cine kyak khai gui.

LUKA 23:32

Katnak bik ciah changshe hnih cun phi Bawipa Jesuh awn a täng ah ami ngawn gui vai ah hteh püi ci gui.