LUKA 23:3 - Cho Bible Common Language 2016

³ Pilat bawi naw, Bawipa Jesuh-am nang cu Jew Ghangpughang ah na kyak ci ma?” cine ng’shik ci. Bawipa Jesuh naw, “Na pyein ah mäih ah kyak ci nei” cik ci.

LUKA 23:3 Referans Kwoze

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

LUKA 22:70

Ngami naw, “Cun ah a kyak ung nang cu, Khanpughi ah Htapa ah na kiak ci ma?” cine ng’shi ba ci gui. Bawipa Jesuh naw, “Kei cu Khanpughi ah Htapa ah ka kyak ciah nangmi naw nami pyein ci” ci ne kiakna gui ci.

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

LUKA 23:38

Bawipa Jesuh ah alu khan ah phi, “Shin cu Jew chang gui ah Ghangpughang nei” cine ca gu ne tai ci gui.

MAKUH 15:32

Israel Ghangpughang, Messiah Bawipa, kutlamtung ungka kyum law ba sä, cun kami hmuh ung kami yum khai nei” cine kyak nak ci gui. Bawipa Jesuh awn a täng ah kutlamtung ung ami ngawn goi naw phi Bawipa Jesuh cu päipih ci goi.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

MATTHE 27:11

Bawipa Jesuh cu Roman bawi ah ma ah gawk law khätah, ani naw, “Nang cu Jew chang gui ah ghangpughang ah na kyak ci ma?” cine ng’shik ci.

JOHAN 18:29

Cun ah kyasei Pilat cu lut law netah, “Shin ah chang cu kat nak a i bi sei ang nami law püi?” cine ng’shi gui ci.