LUKA 23:25 - Cho Bible Common Language 2016

²⁵ Chang akthüng phyong sak nak la chang ah ngawn nak awn thawng kyum cicu ami pyein ah mäi ah phiawn sak ci. Bawipa Jesuh läi cu ami m’hni ah ami bi vai ah ap gui ci.

LUKA 23:25 Referans Kwoze

LAMKTU 3:14

Ani cu theing ne ng’cim ne, nik ciah chang ah kiah lang sei phi, nang mi naw Pilat ah ma ah ani cu k’she dam nah u ne, chang ngawn ci cu phiawn vai ah na mi ling ci nei.

MAKUH 15:15

Pilat naw, amät cu chang gui naw ami yum vai ng’ya hlü netah Barabbas cu k’phiawn ne Bawipa Jesuh cu tuhthat netah, kutlam tung ung tai ne ami ngawn vai ah ap gui ci.

JOHAN 18:40

Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

MATTHE 27:26

Cun kawn ah Pilat naw, Barabbas cu k’phiawn ne Bawipa Jesuh cu tuthat netah, kutlamtung ung tai ne ami ngawn vai ah ap gui ci.

1 SAMUEL 12:13

Tuhbäi shin ung nami ghü ah ghangpughang nei; nangmi naw nami thäh, tuhbäi Bawipa naw a ning pek gui nei.

LUKA 23:24

Pilat naw ngami ah pyein ah mäih ah m’khoichaa nak cu bik ci.

LUKA 23:26

Gakap gui naw Bawipa Jesuh ami hteh law püi yah ung Sairin pigaw ah kaa Simon ming nak ciah chang cu ana law sei, hmu u netah, pha u ne, ktulamtung cu kawh sak u ne, Bawipa Jesuh ah hnu ah läk sak ci gui.

JOHAN 19:16

Cun kawn ah Pilat naw Bawipa Jesuh cu kutlamtung tai ne ami ngawn vai ah ami kut ung ap gui ci. Cun ah kyasei Bawipa Jesuh cu hteh püi ci gui.

ESTA 3:11

Ghangpughang naw pyen ne, “Chang gui la ami ngui gui cu nang ah kaa ah kyak ci, ngami ah khan ah na m’hni ah na bi vai nei” cik ci.