LUKA 23:22 - Cho Bible Common Language 2016

²² Pilat naw, “Ani naw a i katnak ang a bi? Ani ngawn nak vai ah katnak tumat phi kä ka hmuk ci. Cun ah kyasei ani cu htung awn that ne m’cäi netah ka tüi ba khai” cine ak thum vei nak ah pyein ci.

LUKA 23:22 Referans Kwoze

LUKA 23:14

Shin ah chang cu, chang gui hleei hlak ne thüngphyong sak gui ci, cine nami law püi ci, cun ung phi na mi ma ah kami ng’yak vai ah ng’shi ngä sei, ani hniim nak vai, a i kä ng’dang ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

LUKA 23:20

Pilat naw Bawipa Jesuh cu phiawn sak hlü netah, chang gui ah ma ah pyein ba mä ci.

LUKA 23:16

Cun ah kyasei ani cu, htung awn that netah, ka tüi ba khai nei” cik ci.

LUKA 23:4

Cun kawn ah Pilat bawi naw, taigüpa gui la chang khli gui-am, “Shin ah chang hniim nak vai ah a mawng kä ka hmuk ci nei” cine kyak na gui ci.

LUKA 23:21

Cun ung phi chang gui naw, “Shin ah chang cu kutlamtung ung tai ne ngawn vä, Kutlamtung ung tai ne ngawn vä” cine m’lau ci gui.

LUKA 23:23

Cun ung phi chang gui naw, Bawipa Jesuh cu ktumlamtung ung tai ne ngawn vai ah m’lau laih laih u netah, akhnu ah näng ci gui.