LUKA 23:2 - Cho Bible Common Language 2016

² Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

LUKA 23:2 Referans Kwoze

JOHAN 19:12

Cun ah a pyein cu ng’ya netah Pilat naw, Bawipa Jesuh k’phiawn nak vai ah lam cu shui ci. Cun ung phi chang gui naw, “Ani nak phiawn ah a kyak ung, nang cu ghangpughang ah teihpüi ah kä na kiak khai. Amät naw amät ghangpughang ah pyein ciah chang cu, ghangpughang ng’küütneet püi ciah kyak ci nei” cik ci gui.

LUKA 23:14

Shin ah chang cu, chang gui hleei hlak ne thüngphyong sak gui ci, cine nami law püi ci, cun ung phi na mi ma ah kami ng’yak vai ah ng’shi ngä sei, ani hniim nak vai, a i kä ng’dang ci.

LAMKTU 24:5

Shin ah chang cu k’tüphlawh thei ciah kyihkyawk vai ah chang ah kami hmuk ci nei. Ani naw khom’dek khan ung Judah chang gui thüngphyong khai gui ah tüihtok gui ci nei. Ani cu Nazaret chang ah pati ung ng’vai tumat ah kyak ci nei.

JOHAN 18:30

Ngami naw, “Ani cu katnak bik ciah chang ah kä ah kyak ung nang ah kä ka mi law püi khai nei” cik ci gui.

MAKUH 12:17

Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä” cine kyak na gui khätah ang htei ah cäicat ci gui.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

LAMKTU 24:13

Tuk bäi kei ami na k’sung nak cu ngami naw saksi kä m’dang hlawt khai gui nei.

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

MATTHE 17:27

Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

SAM 35:11

Changshe gui naw na hnu ng’tuk püi u ne, kä ka hmat ah a mawng ama nak bün ci gui nei.

1 GHANGPUGHANG GUI 18:17

Ahab naw ani cu hmu law neta, “Shi ah nang na om ci maw — Israel khaw khüikha vai ah bi pikbäih ciah chang!” cik ci.”

MATTHE 27:11

Bawipa Jesuh cu Roman bawi ah ma ah gawk law khätah, ani naw, “Nang cu Jew chang gui ah ghangpughang ah na kyak ci ma?” cine ng’shik ci.

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

JOHAN 18:29

Cun ah kyasei Pilat cu lut law netah, “Shin ah chang cu kat nak a i bi sei ang nami law püi?” cine ng’shi gui ci.

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.