LUKA 22:61 - Cho Bible Common Language 2016

⁶¹ Bawipa naw a mang law ne Peter cu m’htei ne teng ci. Cun hmu netah, Peter naw, “Hngeng mü ai kä a khon phaa ung nang naw, ‘Ani kä ka hmat ci nei’ cine thum vei na na mak khai” ci ne Bawipa ah pyein cu shüm ba ci.

LUKA 22:61 Referans Kwoze

LUKA 22:34

Bawipa Jesuh naw, “Peter aw, kei naw akcang ka pyein cu hngeng mü, ai kä a khon phaa ung, ‘Ani kä ka hmat ci nei’ cine thum vei na na mak khai nei” cine pyen nak ci.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

THU PHLAAN 2:5

A i hlawk ah na yu kyak vü cu ngaih-tüh ba shüm ä, na kat nak ung kaa ng’yu ba ne, ak htük ung na bi ah mäih ah na bi ba vai nei. Na katnak ungka kä na ng’yu ba ah a kyak ung na om nak ah kei cu law netah, na mei ng’düi cu a hei ah ka ning hen pek khai nei.

EPHESIAN 2:11

Ayan ä nang mi cu pumsa awn bi vai kä nami bi tuk ciah kyasei, chang khui hei ah ami ning khü gui cu nami shüm ba vai nei. Pumsa awn bi ah vun ah nak bik ciah Jew chang gui naw, nangmi cu vun ah nak kä nami bi tuk ciah ning khei gui ci gui.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

JOHAN 13:38

Bawipa Jesuh naw, “Nang naw kei ah hmawk ah na ghin nak na pek khai maa? Kei naw akcang ka pyein cu, ai kä ah khawn pha ung ani kä ka hmat ci nei cine thum vei na na mak khai nei” cine kiak nak ci.

LUKA 10:41

Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

MAKUH 5:30

Acun vai-am Bawipa Jesuh naw amät ung a huham lut lawk ciah hmat netah, chang gui lam ah ng’hlat ne, “Kei ah ka suinu a u naw ang a tawn” cine ng’shi gui ci.

MATTHE 26:75

Acun vai-am ai khong law khätah,’ ai kä a khon pha ung nang naw kei cu, ani kä ka hmat ci nei, cine thum-vei na na mak khai,” cine Bawipa Jesuh naw a kyak nak te cu, shüm law ba netah, ak pung ah hteit ne ang htei ah thüi ne kyap ci.

MATTHE 26:34

Bawipa Jesuh naw, “Kei naw akcang ka pyein cu, atuhmü ai kä a khon pha ung, nang naw kei cu, ‘Ani kä ka hmat ci nei,’ cine thum-vei na na mak khai nei,” cine Peter cu pyen nak ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

LUKA 7:19

Bawipa Jesuh ah tüi netah, “Nang cu kyum lawk khai cine kami gin ah Bawipa ah na kyak ci ang? Kä cun ung a hei kami ging ba khai ang?” cine ng’shi sak goi ci.

LUKA 22:60

Cun ung phi Peter naw “Chang aw, nang ah na pyein ah mawng cu, kei naw kä ka hmat ci nei” cik ci. Peter naw, cun a ci vai-am, ai khong lawk ci.

LUKA 22:62

Cun ah kyasei, akpung ah lut law ne ang htei ah thüi ne kyap ci.