LUKA 22:53 - Cho Bible Common Language 2016

⁵³ Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

LUKA 22:53 Referans Kwoze

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

JOHAN 7:45

Gakap gui cu pharise gui la taigüpa gui ah om nak ah law ba u khätah, a i ah kyasei pha ne kä nami law püi ang?” cine ng’shi gui ci gui.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

JOHAN 7:30

Chang gui naw Bawipa Jesuh cu phak khai gui ah tha na tu pang u ne phi, amät ah khin kä gawk phak ci kyasei, a u naw phi kä phak ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

JOB 20:5

a u chang shekha phi ak shou kä yeikyai man ci.

LUKA 22:52

Cun kawn ah Bawipa Jesuh naw, ani phak khai ah lawk ci gui ah, taigü ng’vai gui ni, pum im ngäng ciah ng’vai gui ni, Jew chang ng’vai gui ni ah ma ah, “Nangmi naw, kei cu m’guk-ei pha ah mäih ah nami na phak khai ah, chim ni, htungtawn ni awn nami lawk ci ma?

LUKA 22:54

Cun ah chang gui naw Bawipa Jesuh cu pha u netah, taigütung ah im ah hteh püi ci gui. Peter cu ng’shawng pi pi ne läk law gui ci.

JOHAN 13:30

Judas Iskhariot cu m’htu k’bou tumat la netah acun vai-am akpung ah hteit ci. Cun yah cu mü ah kyak ci.