LUKA 22:37 - Cho Bible Common Language 2016

³⁷ Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

LUKA 22:37 Referans Kwoze

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

LUKA 23:32

Katnak bik ciah changshe hnih cun phi Bawipa Jesuh awn a täng ah ami ngawn gui vai ah hteh püi ci gui.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.

LUKA 18:31

Bawipa Jesuh naw, ang düihpüi gui gha-lei-goi cu khü gui netah, “Ngai vä, mikmi cu Jerusalem ah mi hteit lawk ci. Chang ah Htapa ah mawng profet gui naw ami guk ah mäih ah kümbe lawk khai nei.

LUKA 22:22

Chang ah Htapa cu Khanpughi naw akbäi ah mäih ah akcang ah sik khai, cun ung phi ani gaa ah kut ung ap ciah chang ah khan ah shetkat nak om khai nei” cik ci.

MAKUH 15:27

Bawipa Jesuh awn a täng ah m’guk-ei pahnih cun phi akpat lam ah tumat ak eng lam ah tumat ah kutlamtung ung tai ne ngawn tuk ci gui.

LUKA 22:36

Bawipa Jesuh naw, “Tuhbäi läi ngui ng’ip la ng’ya om ciah chang naw a law püi vai nei. Chim kä om ci naw, akhtu yoi ne chim ak khleih vai.

LUKA 22:52

Cun kawn ah Bawipa Jesuh naw, ani phak khai ah lawk ci gui ah, taigü ng’vai gui ni, pum im ngäng ciah ng’vai gui ni, Jew chang ng’vai gui ni ah ma ah, “Nangmi naw, kei cu m’guk-ei pha ah mäih ah nami na phak khai ah, chim ni, htungtawn ni awn nami lawk ci ma?

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

MAKUH 15:28

(Acun gui naw, ‘Bawipa cu katnak bik ciah ng’louh sak ci gui’ ciah cacim ung om cicu küm sak ci.)