LUKA 22:36 - Cho Bible Common Language 2016

³⁶ Bawipa Jesuh naw, “Tuhbäi läi ngui ng’ip la ng’ya om ciah chang naw a law püi vai nei. Chim kä om ci naw, akhtu yoi ne chim ak khleih vai.

LUKA 22:36 Referans Kwoze

1 THESSALONIAN 3:4

Keimi dukdeiu nak kami gah law vai ah mawng cu nangmi awn atäng ah kami om yah ung ka ning m’thein gui pyi ah kyak ci. Kei naw ka pyein ah mäih ah tuhbäi akcang ah a kyak law cu nangmi naw nami hmat ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

MATTHE 10:10

Ng’yoih nak ah ng’ip, k’htu ang yung akda, phahnak la ng’shopawng gui phi kä nami hteh püi vai. A i ah kyasei ci ung bi bik ciah chang ah ang yak hlü cu peit taak vai ah kyak ci.

LUKA 22:35

Cun kawn ah Bawipa Jesuh naw, “ngui ng’ip hnih la phahnak cu kä nami hteh püi vai pyein ne ka ning tüi gui ci. Cun ung nangmi ung kä küm ci, a i om ne ang?” cine ang düihpüi gui cu ng’shi gui ci. Ang düihpüi gui naw, “A i kä om ci nei” cik ci gui.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

LUKA 22:38

Ang düihpüi gui naw, “Bawipa, teng ä, shin ung chim lu goi om ci nei” cik ci gui. Bawipa Jesuh naw, “Bäi khai nei” cik ci.