LUKA 22:35 - Cho Bible Common Language 2016

³⁵ Cun kawn ah Bawipa Jesuh naw, “ngui ng’ip hnih la phahnak cu kä nami hteh püi vai pyein ne ka ning tüi gui ci. Cun ung nangmi ung kä küm ci, a i om ne ang?” cine ang düihpüi gui cu ng’shi gui ci. Ang düihpüi gui naw, “A i kä om ci nei” cik ci gui.

LUKA 22:35 Referans Kwoze

LUKA 10:4

Ngui ng’ip, ng’ya, phahnak a i phi kä nami hteh püi vai. Lam ah ng’düi ne a u phi kä nami yavaih vai.

LUKA 9:3

“Lam ah ei-mang vai a i phi kä nami hteh püi vai; ng’sho htung, awi k’bah, sho-ei, ngui ghui a i phi kä nami hteh püi vai. Sui phi kä nami m’shawih vai.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SAM 23:1

Bawipa cu ka htoshäm ah kyak ci; Kei cu kä ka dukhaih ci.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

LUKA 22:34

Bawipa Jesuh naw, “Peter aw, kei naw akcang ka pyein cu hngeng mü, ai kä a khon phaa ung, ‘Ani kä ka hmat ci nei’ cine thum vei na na mak khai nei” cine pyen nak ci.

LUKA 22:36

Bawipa Jesuh naw, “Tuhbäi läi ngui ng’ip la ng’ya om ciah chang naw a law püi vai nei. Chim kä om ci naw, akhtu yoi ne chim ak khleih vai.

1 GHANGPUGHANG GUI 11:22

Ghangpughang naw, “A i ah kyasei ang? A i baw ka ning pek vai häu ci om ne ang? A i ah phäh ah na im ah na hteh ba hlü ang? Hadad naw ghangpughang am, “Na hteh ba sak ä” ci neta, ani cu a khaw ah hteit ba ci. Hadad cu Edom ung ghangpughang ah kya ne, Israel ah ga akshe ah kyak ci.

2 KORIN 8:15

Cacim naw, “Akda gah ciah kaa, kä k’pawih ci; api gah ciah kaa kä ken ci” a ciah mäih ah kyak ci.