LUKA 22:33 - Cho Bible Common Language 2016

³³ Peter naw, “Bawipa, kei cu nang awn, thawng na kium ung phi atäng ah ka kium vai, m’htei na hteh ung a täng ah ka hteh vai ah ka yum ci nei” cik ci.

LUKA 22:33 Referans Kwoze

MAKUH 14:31

Cun ung phi Peter naw, “Kei cu nang Bawipa awn a täng ah ka sih tu vai ung phi, nang kä ka ning hmat ciah kyein ne, kä ka ning mak khai nei” ci ne ak thuuk ah pyein ci. A hei ang düihpüi gui cun phi acun ah mäih ah pyein tu yawp ci gui.

MAKUH 14:29

Peter naw, “A hei gui ami van naw ami ning nawng ung phi, kei naw kä ka ning nawng khai nei” cine pyein ci.

MATTHE 20:22

Bawipa Jesuh naw, “Nangmi a i nami ng’yoih ah nami mät naw kä nami hmat ci, Kei ah awk nak yaica nak ah khap cu, nami aw tu hlawt khai ang?” cine a hta goi cu ng’shi goi ci. Ngani naw, “Kani aw tu hlawt khai nei,” cik ci goi.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

LUKA 22:34

Bawipa Jesuh naw, “Peter aw, kei naw akcang ka pyein cu hngeng mü, ai kä a khon phaa ung, ‘Ani kä ka hmat ci nei’ cine thum vei na na mak khai nei” cine pyen nak ci.

JOHAN 13:38

Bawipa Jesuh naw, “Nang naw kei ah hmawk ah na ghin nak na pek khai maa? Kei naw akcang ka pyein cu, ai kä ah khawn pha ung ani kä ka hmat ci nei cine thum vei na na mak khai nei” cine kiak nak ci.

LUKA 22:57

Cun ung phi Peter naw, “Hnumi hta aw, ani cu kei naw kä ka hmat ci nei” cik ci.