LUKA 22:32 - Cho Bible Common Language 2016

³² Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

LUKA 22:32 Referans Kwoze

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

LUKA 8:13

Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

MAKUH 14:72

Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.

MAKUH 16:7

Nangmi cu Peter la a hei ang düihpüi gui ah hteit ne, “Bawipa cu hteit ma ne Kalile kho ah ana gawk khai nei, ayan a ning m’thein gui ah mäih ah Bawipa cu Kalile kho ah nami hmu ba khai nei” cine pyein ci.

MATTHE 26:75

Acun vai-am ai khong law khätah,’ ai kä a khon pha ung nang naw kei cu, ani kä ka hmat ci nei, cine thum-vei na na mak khai,” cine Bawipa Jesuh naw a kyak nak te cu, shüm law ba netah, ak pung ah hteit ne ang htei ah thüi ne kyap ci.

1 PETER 1:1

Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.