LUKA 21:36 - Cho Bible Common Language 2016

³⁶ Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

LUKA 21:36 Referans Kwoze

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

MATTHE 25:13

“Cun ah kyasei nangmi cun phi cun ah hnüüp, cun ah khin cu kä nami hmat ci kyasei, ngaih na ne nami ngäng vai nei!’

MATTHE 24:42

Cun ah kyasei geing nah ne nami ngäng vai, nami Bawipa a i yah ung alaw vai kä nami hmat ci.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

MAKUH 13:33

Pa Khanpughi amät bäng naw vah hmat ci. Cun ah akhin cu a i yah ung gawk lawk khai ah kä nami mi hmat ci kyasei, ngaih nah ne nami ngäng vai nei, ci m’gang ne nami om vai nei.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

MATTHE 26:41

Tüihtok nak nami khütnäng nak vai ah taigü ne nami na ngäng vai nei. Mumcha naw ang yak hlü ung phi pumsa thagui kä om ci nei,” cine pyen nak ci.

MALAKHI 3:2

Cun ung phi ani a law hnüüp ung a u naw khan hning khai aw? Ani ang dang law ung a u naw phyawn na hlawt khai aw? Ani cu theing khai ah m’si nak ah satpya, m’si shep nak ah mei ah mäih ah kyak khai nei.

1 THESSALONIAN 5:17

ak phlüt ah taigü vä,

MAKUH 13:37

Nangmi ka ning m’cäi gui ah mäih ah chang avan kam cäi ci nei, ngaih na ne ngäng vä” cine pyen na gui ci.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

KOLOSE 4:2

Taigü nak ung kä nami m’lung-k’si en vai. Lunglang nak awn taigü ne Khanpughi cu nami m’hlüngtai vai.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

SAM 1:5

Cheishoh ciah chang gui cu Khanpughi naw m’kyuk gui khai, Khanpughi ah chang gui awn ng’shawng sak gui khai.

JOB 27:10

Ngami naw ani naw a peit ah yei nak cu ami ng’yak hlü vai hlü ci. Ngami naw ani ah ak bä ah ami taigü vai hlü ci.

LUKA 20:35

Cun ung phi sih nak ungka tho ba ne khankho ah kai khai ah chang gui cu, kä ng’chula ba khai gui.

JEREMIAH 35:19

Cunah kyasei kei m’gäi ciah Bawipa, Israel khanpughi naw shaitak ka bi cu Rechab ah hta Jonadab ah htangshon ung angtäi sei kei ah bii bik khai pami ah ng’shon khai.”

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 24:43

Im ah naw m’guk ei a law vai a hmat ung, geing ah ne om sei, m’guk ei naw a im cu hmawng ne käm gu hlawt khai ah nami hmat ci.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

LUKA 1:19

Khankho chang naw, “Kei cu Khanpughi ah ma ah ng’düi ciah Kabriel nei; shin ah ng’Thu Ni nang-am ka ning m’thein khai ah Khanpughi naw ana tüih law nei.

LUKA 21:35

M’khoichaa nak ah hnüüp cu thau ah ng’chawi ah mäih ah nami khan ah akten ah gawk lawk khai nei. Cun ah hnüüp cu khomdek khan chang avan ah khan ah gawk khai nei.

2 KORIN 4:14

Bawipa Jesuh thawh ba sak ciah Khanpughi naw, kei mi cun phi Bawipa Jesuh awn a täng ah na thawh ba sak gui ne, nangmi awn a täng ah ama ah na hteh püi gui khai cicu kami hmat ci.

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

THU PHLAAN 11:4

Cun ah saksi pahnih cu khomdek uk ciah ma ah ng’düi ciah olive singghing pahnih la mei im pahnih ah kyak ci.